World Championship Bajrang Punia : ऑलिम्पिक पदक विजेता कुस्तीपटू बजरंग पुनिया आणि कॉमनवेल्थ चॅम्पियन दीपक पुनिया यांनी बेलग्रेड येथे होणाऱ्या जागतिक कुस्ती अजिंक्यपद स्पर्धेच्या चाचणीतून माघार घेतली आहे. पुढच्या वर्षी पॅरिसमध्ये होणाऱ्या ऑलिम्पिक पात्रतेसाठी ही जागतिक अजिंक्यपद स्पर्धा महत्वाची आहे.
बजरंग पुनियाने भारतीय कुस्ती महासंघाचे विद्यमान अध्यक्ष बृजभूषण शरण सिंह यांच्याविरूद्ध दिल्लीतील जंतर मंतरवर आंदोलन केले होते. या आंदोलनात विनेश फोगाट, साक्षी मलिक या महिला कुस्तीपटू देखील आघाडीवर होत्या. या दोघी देखील जागतिक कुस्ती अजिंक्यपद स्पर्धेत सहभागी होणार नाहीयेत.
जागतिक अथलेटिक्स चॅम्पियनशिपची निवड चाचणी ही 25 आणि 26 ऑगस्ट रोजी होणार आहे. या निवडचाचणीचे आयोजन अॅड - हॉक समितीने केले आहे. बजरंग आणि दीपक पुनिया या वेळेत विदेशात सरावासाठी जाणार आहेत. त्यामुळेच त्यांनी सराव सत्रात सहभागी न होण्याचा निर्णय घेतला आहे.
बजरंग पुनिया गुरूवारी स्पोर्ट्स अथॉरिटी ऑफ इंडियाला (SAI) एक प्रस्ताव पाठवला आहे. या प्रस्तावात कजाकिस्तानमध्ये 39 दिवसांच्या कॅम्पदरम्यान एशियन गेम्समध्ये सहभागी होण्याची परवानगी मागितली होती. याच प्रकारे दीपकनेही 35 दिवसांच्या सराव सत्राची परवानगी मागितली होती.
त्यांनी या दोन वरिष्ठ कुस्तीपटूंना जागतिक अजिंक्यपद कुस्ती स्पर्धेत सहभागी न होण्याचा निर्णय घेतला आहे. साई या निर्णयावर खूष नाही. साई म्हणते की, तुम्हाला जागतिक अजिंक्यपद स्पर्धेच्या चाचणीत सहभागी न होण्यामागचे कारण द्यावे लागेल. तुमचे विदेशातील सराव सत्र आणि चाचणी हे एकाचवेळी येत आहे. त्यामुळे तुम्हाला चाचणीवेळी गैरहजर राहण्याचे कारण सांगावे लागणार आहे.
बजरंग पुनियाला एशियन गेम्सच्या चाचणीतूनही सूट मिळाली होती. यानंतर मोठे वादंग निर्माण झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
