India A Squad against England Lions : भारत आणि इंग्लंड यांच्यातील पाच सामन्यांची कसोटी मालिका 25 जानेवारीपासून सुरू होणार आहे. पण याआधी या दोन देशांच्या अ संघांमध्ये तीन अनधिकृत कसोटी सामन्यांची मालिका सुरू झाली आहे, त्यातील पहिला सामना अहमदाबादमध्ये 17 ते 20 जानेवारी दरम्यान खेळला गेला.
या मालिकेपूर्वी, बीसीसीआयने केवळ दोन दिवसीय सराव आणि पहिल्या अनधिकृत सामन्यासाठी भारत अ संघाची घोषणा केली होती, तर 19 जानेवारी रोजी शेवटच्या दोन सामन्यांसाठी संघ जाहीर केला होता. त्यावेळी रिंकू सिंगची तिसर्‍या सामन्यासाठी निवड झाली असली तरी आता दुसऱ्या सामन्यासाठीही त्याचा संघात समावेश करण्यात आला आहे.
बीसीसीआयने 23 जानेवारी रोजी इंग्लंड लायन्स विरुद्ध दुस-या चार दिवसीय सामन्यासाठी रिंकू सिंगचा संघात समावेश करण्याची घोषणा केली. रिंकू सिंगला आयपीएल 2023 मधील त्याच्या जबरदस्त कामगिरीमुळे भारताच्या टी-20 संघात स्थान मिळाले आणि त्यानंतर त्याचा ODI संघातही समावेश करण्यात आला.
त्याला सर्वात लहान फॉरमॅटमध्येच अधिक संधी मिळाल्या, ज्यामध्ये त्याने आतापर्यंत जबरदस्त कामगिरी केली आहे. रिंकूने 15 सामन्यात 89 च्या जबरदस्त सरासरीने 356 धावा केल्या आहेत. या कालावधीत त्याचा स्ट्राईक रेट 176.23 आहे आणि त्याने आपल्या बॅटने दोन अर्धशतकही झळकावले आहेत.
या डावखुऱ्या फलंदाजाने आंतरराष्ट्रीय स्तरावर केवळ टी-20 फॉरमॅटमध्येच आपला ठसा उमटवला नाही तर देशांतर्गत क्रिकेटमध्ये त्याने उत्तर प्रदेशसाठी लाल चेंडूवर भरपूर धावा केल्या आहेत. प्रथम श्रेणी क्रिकेटमध्ये रिंकूने 44 सामन्यांमध्ये 57 पेक्षा जास्त सरासरीने 3109 धावा केल्या आहेत, ज्यामध्ये 7 शतके आणि 20 अर्धशतकांचा समावेश आहे.
इंग्लंड लायन्सविरुद्धच्या या दोन्ही सामन्यांमध्ये चांगली कामगिरी करून त्याला कसोटी संघात स्थान मिळवण्याची संधी असेल.
इंग्लंड लायन्स विरुद्धच्या दुसऱ्या सामन्यासाठी भारत अ संघ - अभिमन्यू इसवरन (कर्णधार), साई सुदर्शन, रजत पाटीदार, सरफराज खान, तिलक वर्मा, कुमार कुशाग्र, वॉशिंग्टन सुंदर, सौरभ कुमार, अर्शदीप सिंग, तुषार देशपांडे, व्ही कविरप्पा, उपेंद्र यादव, आकाश दीप, यश दयाल, रिंकू सिंग.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
