Asia Cup 2023 BCCI Sending Team India to Pakistan : पुढच्या वर्षीचा आशिया कप 2023 हा पाकिस्तानात होत आहे. त्यामुळे भारतीय संघ पुढचा आशिया कप खेळणार की नाही याबाबत साशंकता होती. मात्र सूत्रांकडून मिळालेल्या माहितीनुसार बीसीसीआय भारतीय संघ पाकिस्तानमध्ये पाठवण्यास तयार आहे. मात्र याबाबतचा अंतिम निर्णय हा शेवटी भारत सरकारला घ्यायचा आहे. बीसीसीआयने वार्षिक सर्वसाधारण बैठकीपूर्वी राज्य संघटनांना पत्र पाठवले आहे. या बैठकीत भारतीय संघ पाकिस्तानमध्ये पाठवण्याबाबत चर्चा होण्याची दाट शक्यता आहे.
पाकिस्तान हा 2023 चा वनडे आशिया कप आयोजिक करणार आहे. या स्पर्धेनंतर वनडे वर्ल्डकप भारतात होणार आहे. बीसीसीआयची वार्षिक सर्वसाधारण बैठक ही 18 ऑक्टोबरला होणार आहे. भारत आणि पाकिस्तान याच्यात 2012 - 13 पासून कोणतीही द्विपक्षीय मालिका झालेली नाही. 2012 - 13 ला पाकिस्तानने तीन वनडे आणि तीन टी 20 सामन्यांची मालिका खेळण्यासाठी भारताचा दौरा केला होता. तेव्हापासून या दोन्ही देशांनी द्विपक्षीय मालिका खेळलेली नाही. भारत आणि पाकिस्तान हे आयसीसी स्पर्धेत आणि आशिया कपमध्येच एकमेकांना भिडतात.
भारताने शेवटचा पाकिस्तानचा दौरा 2005 - 6 मध्ये खेला होता. यावेळी संघाचे नेतृत्व राहुल द्रविड करत होता. या दौऱ्यावर भारताने तीन कसोटी आणि पाच वनडे सामन्यांची मालिका खेळली होती. भारत आणि पाकिस्तान हे ऑस्ट्रलियात होणाऱ्या टी 20 वर्ल्डकपमध्ये 23 ऑक्टोबरला एकमेकांना भिडणार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
