Asian Games 2023 : उपांत्य फेरीतील प्रवेशासह निखतला ऑलिंपिक कोटा

हांग् चौऊ : बॉक्सर निखत झरीनने आशियाई क्रीडा स्पर्धेत आज उपांत्य फेरी गाठली. त्याचसोबत पॅरिस ऑलिंपिकसाठीचा कोटाही मिळवला. टोकियो ऑलिंपिक स्पर्धेत ती मुकली होती. निखत ही दोन वेळची जागतिक विजेती आणि आशिया क्रीडा स्पर्धा तसेच राष्ट्रकुल स्पर्धेतील पदक विजेती आहे.

हांग् चौऊ येथील या आशियाई क्रीडा स्पर्धेत सहभागी होत असताना त्यातून ऑलिंपिक कोटा मिळवणे हे निखतचे मुख्य उद्दिष्ट होते. आजच्या लढतीत तिने जॉर्डनच्या नास हन्मननर जोरदार प्रहार केला. अखेर रेफ्रींनी लढत थांबवत निखतला विजयी जाहीर केले. उपांत्य फेरी गाठण्याबरोबर ऑलिंपिक कोटाही मिळवला याचा आनंद मला अधिक आहे. आता या आशियाई क्रीडा स्पर्धेत सुवर्णपदक मिळवणे हे माझ्ये ध्येय आहे, असे निखत म्हणाली.