Champions League : पाच वेळचा युरोपीय चॅम्पियन बार्सिलोना 17 वर्षांत पहिल्यांदाज चॅम्पियन्स लीग फुटबॉल स्पर्धेच्या नॉक आउट राउंडमध्ये पोहचण्यात अपयशी ठरलाय. बार्सिलोना संघाला ग्रुप E मधील आपल्या अखेरच्या लढतीत बायर्न म्युनिख संघाकडून एकहाती पराभवाचा सामना करावा लागला. या सामन्यात त्यांना एकही गोल करता आला नाही. म्युनिखच्या 3-0 विजयासह बार्सिलोनावर 17 वर्षांत पहिल्यांदाच नॉक आउट राउंडमध्ये प्रवेश मिळवण्यात अपयश आले. स्पर्धेतील आव्हान टिकवण्यासाठी त्यांना कोणत्याही परिस्थितीत सामना जिंकायचा होता.
बार्सिलोनाचा संघ बायर्न आणि बेनफिका यांच्यानंतर तिसऱ्या स्थानावर राहिला. बेनफिका संघाने डायनमो कीवला 2-0 असे पराभूत करत अंतिम-16 मध्ये प्रवेश निश्चित केला. यापूर्वी 2004 मध्ये बार्सिलोनाच्या संघावर अशी वेळ आली होती. या वेळीच्या हंगामात त्यांना अंतिम 16 मध्ये स्थान मिळाले नव्हते. दिग्गज फुटबॉलपटू लिओनेल मेस्सीनं बार्सिलोनाची साथ सोडल्यापासून संघाच्या कामगिरीवर चांगलाच परिणाम झाल्याचे दिसते. बार्सिलोनाचा संघ आतापर्यंत सर्वाधिक बॅडपॅचमधून जात आहेय ला लिगा स्पर्धेत बार्सिलोनाला 15 पैकी केवळ 6 सामन्यात विजय मिळाला होता.
8 मिनिटांत दोन गोल
बायर्न म्युनिख संघाने 28 मिनिटांत 3 गोल डागले. थॉमस मूलरने 34 व्या मिनिटाला पहिला गोल डागून संघाला आघाडी मिळवून दिली. 43 व्या मिनिटाला लेरॉय साने याने ही आघाडी भक्कम केली. 62 व्या मिनिटाला जमाल मुसियालाने तिसरा गोल डागला. म्युनिखने या लढतीसह सलग सहा विजयाची नोंद केली. एवढेच नाही तर संघाने सलग 28 लीग लढतीमध्ये गोल करुन दाखवले आहेत. बायर्नने 16 फेब्रुवारी 2019 मध्ये लिवरपूल विरुद्ध गोलशून्य बरोबरी केली होती. त्यानंतरच्या प्रत्येक लढतीत त्यांनी गोल डागला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.