चॅम्पियन्स लीग फुटबॉल स्पर्धेवर चेल्सीने दुसऱ्यांदा नाव कोरलं आहे. पुर्तगाल येथे झालेल्या हाय होल्टेज सामन्यात काई होवित्झ याच्या एकमेव गोलच्या बळावर चेल्सीने मँचेस्टर सिटीचा 1-0 च्या फरकानं पराभव केला. मागील हंगामात पॅरिस सेंट जर्मेनकडून चेल्सीचा संघ अंतिम फेरीत पराभूत झाला होता. चेल्सीनं नऊ वर्षांत दुसऱ्यांदा चॅम्पियन्स लीगचे जेतेपद जिंकले. याआधी 212 मध्ये चेल्सीनं चॅम्पियन्स लीग फुटबॉल स्पर्धेवर नाव कोरलं होतं.
चेल्सी आणि मँचेस्टर सिटी दोन्ही संघांनी एकमेंकाना तगडी टक्कर दिली. चेल्सीकडून 42 व्या मिनिटाला काई होवित्झ यानं एकमेव गोल केला. मेसन माउंटच्या पासवर त्याने हा गोल केला.या गोलच्या बळावर चेल्सीनं 2021 मधील चॅम्पियन्स लीग फुटबॉल स्पर्धेवर नाव कोरलं. अंतिम सामन्यातील या पराभवासह पेप गार्डियोला याच्या मँचेस्टर सिटीच्या पहिल्या जेतेपदाचं स्वप्न भंगलं. या पराभवानंतर मँचेस्टर सिटीच्या संघाला सलग दुसऱ्या विजेतेपदाने हुलकावणी दिली.
मागील सहा आठवड्यांमध्ये चेल्सीनं मॅनचेस्टर सिटीला तीनवेळा हरवलं आहे. मॅनेजर थॉमस तुशेल यांच्या मार्गदर्शनाखाली चेल्सीच्या हस्ते लीग कप आणि एफए कपमध्ये मँचेस्टर सिटीचा पराभव झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
