महबलीपुरम : तामिळनाडू येथील महाबलीपूरम येथे आजपासून सुरू होणाऱ्या चेस ऑलिम्पियाड (Chess Olympiad) स्पर्धेचा उद्घाटन सोहळा सुरू झाला आहे. या उद्घाटन सोहळ्याला (Opening ceremony) तामिळनाडूचे (Tamil Nadu) मुख्यमंत्री एमके स्टॅलिन रजनीकांत आणि इतर मान्यवर उपस्थित होते. या स्पर्धेत सहभागी होणारे संघ प्रेक्षकांचे अभिवादन स्विकारले. चेन्नईच्या (Chennai) जवाहरलाल नेहरू स्टेडियमवर भारतीय संघाचे आगमन होताच प्रेक्षकांनी त्यांचे जोरदार स्वागत केले. सोहळ्याला सुरूवात झाल्यानंतर पंतप्रधान नरेंद्र मोदींनी देखील उद्घाटन सोहळ्याला उपस्थिती लावली.
बुद्धिबळातील ऑलिंपिक म्हणून ओळखल्या जाणाऱ्या ऑलिंपियाड स्पर्धेला आजपासून सुरुवात होणार आहे. आत उद्घाटन सोहळा आयोजित करण्यात आला आहे. तामिळनाडू मधील महाबलीपुरम येथे ही स्पर्धा 28 जुलै ते 10 ऑगस्ट या कालावधीत होणार असून यामध्ये यजमान भारताला विजेतेपदाची सुवर्णसंधी असणार आहे. भारताचे सहा संघ या स्पर्धेमध्ये उतरणार आहेत. भारताला अमेरिका, नॉर्वे, अझरबैझान या देशांतील बुद्धिबळपटूंचे आव्हान असणार आहे.
या स्पर्धेमधील खुल्या गटात 188 तर महिला गटात 162 संघ सहभागी होणार आहेत. तसेच या स्पर्धेमध्ये खुल्या गटात 183 देशांचे, तर महिला गटात 160 देशांचे खेळाडू सहभागी होणार आहेत. भारतामध्ये पहिल्यांदाच बुद्धिबळ ऑलिंपियाडचे आयोजन करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
