Cheteshwar Pujara News : गेल्या काही महिन्यांपासून भारतीय संघातून बाहेर असलेला चेतेश्वर पुजाराने पुन्हा एकदा टीम इंडियाचे दरवाजे ठोठावले आहेत. चेतेश्वर पुजाराने रणजी ट्रॉफी 2024 मध्ये द्विशतक झळकावून निवडकर्त्यांना चोख प्रत्युत्तर दिले आहे. पुजाराला अलीकडेच दक्षिण आफ्रिका दौऱ्यासाठी निवडलेल्या कसोटी संघातून वगळण्यात आले होते.
आता भारतीय निवड समितीला इंग्लंडविरुद्धच्या कसोटी मालिकेसाठी टीम इंडियाची घोषणा करायची आहे. इंग्लंडविरुद्धच्या कसोटी मालिकेसाठी भारतीय संघाची लवकरच घोषणा होऊ शकते. याआधीच चेतेश्वर पुजाराच्या रणजीतील द्विशतकाने निवडकर्त्यांची कोंडी केली असेल.
चेतेश्वर पुजारा संघातून बाहेर असला तरी त्याने नेहमीच जोरदार पुनरागमन केले आहे. त्याने गेल्या वर्षी कौंटी क्रिकेटमध्येही खूप धावा केल्या होत्या. घरच्या मैदानावर खेळताना पुजाराने तिसऱ्या दिवशी झारखंड (सौराष्ट्र विरुद्ध झारखंड) विरुद्ध शानदार द्विशतक झळकावले. पुजाराने 317 चेंडूत द्विशतक झळकावले. या कालावधीत त्याने 25 चौकार मारले. फिरकीपटू शाहबाज नदीमविरुद्ध एक धाव घेत त्याने आपले द्विशतक पूर्ण केले. सौराष्ट्र संघाची एकूण धावसंख्या 500 ओलांडली आहे.
35 वर्षीय चेतेश्वर पुजाराच्या द्विशतकामुळे त्याच्या टीम इंडियात पुनरागमनाची शक्यता वाढली आहे. भारत आणि इंग्लंड यांच्यात 25 जानेवारीपासून 5 सामन्यांची कसोटी मालिका खेळवली जाणार आहे. या मालिकेसाठी भारतीय संघ अद्याप जाहीर झालेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.