China Masters 2024 Badminton : सात्विकसाईराज रंकीरेड्डी - चिराग शेट्टी ही भारतीय जोडी पॅरिस ऑलिंपिकनंतर पहिल्यांदाच बॅडमिंटन कोर्टवर उतरणार आहे. चायना मास्टर्स सुपर ७५० या बॅडमिंटन स्पर्धेला आजपासून (ता. १९) सुरुवात होणार असून या स्पर्धेमध्ये भारताची सात्विक - चिराग ही स्टार जोडी सहभागी होणार आहे.
सात्विकसाईराज रंकीरेड्डी याच्या खांद्याला दुखापत झाली. त्यामुळे पॅरिस ऑलिंपिकनंतर ही जोडी बॅडमिंटन कोर्टवर दिसली नाही. आर्कटिक ओपन, डेन्मार्क ओपन, चायना ओपन या स्पर्धांना ही जोडी मुकली.
