केपटाऊन : दक्षिण आफ्रिकेचा प्रसिद्ध अष्टपैलू खेळाडू ख्रिस मॉरिसला (Chris Morris) २०२१ च्या आयपीएल (IPL) हंगामात राजस्थान रॉयल्सने तब्बल १६ कोटी २५ लाखाची बोली लावून आपल्या कळपात सामिल करुन घेतले. या आयपीएल इतिहासातील सर्वात मोठ्या बोलीला वर्ष उलटत नाही तोच ख्रिस मॉरिसने सर्व प्रकारच्या आंतरराष्ट्रीय क्रिकेटमधून निवृत्ती घेत असल्याचे जाहीर केले. ख्रिस मॉरिसने सोशल मीडियाद्वारे आपल्या निवृत्तीची घोषणा केली.
ख्रिस मॉरिसने इन्स्टाग्राम अकाऊंवर आपला फोटा पोस्ट करत लिहीले की, 'आज मी क्रिकेटच्या सर्व प्रकरातून निवृत्ती घेत असल्याची घोषणा करत आहे. ज्यांनी माझ्या या प्रवासात ज्यांनी योगदान दिले त्या सर्वांचे आभार. हा एक रंजक प्रवास राहिला.' याच पोस्टमध्ये मॉरिसने आपला भविष्यातील प्लॅन देखील सांगितला. आता मॉरिस टायटन्स क्रिकेटसाठी प्रशिक्षकाची भुमिका बजावणार आहे. (Chris Morris Retirement)
विशेष म्हणजे ख्रिस मॉरिसला राजस्थान रॉयल्सने (Rajasthan Royals) २०२१ च्या आयपीएल हंगामात १६ कोटी २५ लाख रुपये बोली लावली होती. (Chris Morris Highest Auction Player in IPL History) आयपीएल इतिहासातील ही सर्वात मोठी बोली होती. यापूर्वी आयपीएलमध्ये सर्वाधिक बोली युवराज सिंगला (Yuvraj Singh) लागली होती. ख्रिस मॉरिसला रेकॉर्ड ब्रेक बोली लागल्यानंतर दुसऱ्याच वर्षी त्याने निवृत्तीची घोषणा केली.
ख्रिस मॉरिसने आंतरराष्ट्रीय क्रिकेटमध्ये दक्षिण आफ्रिकेकडून (South Africa National Cricket Team) ४ कसोटी सामने खेळत १२ विकेट घेतल्या होत्या. याचबरोबर त्याने आफ्रिकेकडून ४२ एकदिवसीय सामन्यात ४८ तर टी २० मध्ये २३ सामन्यात ३४ विकेट घेतल्या आहेत. फलंदाजीत ख्रिस मॉरिसने कसोटीत १७३ धावा, एकदिवसीयमध्ये ४२ सामन्यात ४६७ तर टी २० क्रिकेटमध्ये २३ सामन्यात १३३ धावा केल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
