पांड्यानं शेअर केला नताशासोबतचा फोटो; नेटकऱ्यांना दिसली गूड न्यूज

ख्रिसमसच्या दिवशी (Christmas 2021) हार्दिक पांड्यानं (Hardik Pandya) खास फोटो शेअर केलाय. या फोटोत तो फॅमिलीसोबत ख्रिसमसचा आनंद साजरा करताना पाहायला मिळते. पत्नी नताशा स्टॅन्कोविच (Natasa Stankovic) आणि मुलगा अगस्त्य (AgastyaPandya) सोबतचा त्याच्या फोटोवर खास प्रतिक्रिया उमटताना दिसताहेत. हार्दिक पांड्यानं ख्रिसमस दिवशी गोड बातमी दिल्याची चर्चा सोशल मीडियावर रंगू लागली आहे. नेटकऱ्यांना पांड्याचा फॅमिली फोटो चांगलाच भावला असून रेड ड्रेसमध्ये दिसत असलेली नताशा लवकरच गूड न्यूज देणार आहे, असा अंदाज त्यांनी लावला आहे.

भारतीय संघातील अष्टपैलू खेळाडू हार्दिक पांड्या पाठिच्या दुखापतीमुळे संघाबाहेर आहे. तो शंभर टक्के तंदुरुस्त होऊन लवकरच टीम इंडियात पुन्हा खेळताना दिसेल असा विश्वास त्याच्या चाहत्यांना आहे. पण ही गोड बातमी येण्यापूर्वी पांड्यानं शेअर केलेल्या ख्रिसमस सेलिब्रेशनच्या फोटोवरुन नेटकरी त्याच्याकडे गूड न्यूज असल्याच्या प्रतिक्रिया देत आहेत.

2020 मध्ये हार्दिक पांड्यानं नवीन वर्षांच्या सुरुवातीलात चाहत्यांना खूशखबर दिली होती. त्याने हटके अंदाजात एका क्रुजमध्ये नताशाला लग्नासाठी प्रपोज केल होते. या गोष्टीनंतर दोघांच्या प्रेमाची गाडी नव्या इनिंगला सुरुवात करणार हे पक्के झाले. लोक याची चर्चा करत असताना पांड्यानं गूड न्यूजही दिली. तत्पूर्वी पांड्य आणि नताशा यांचे कुटुंबियांसोबत पूजा करतानाचे काही फोटो समोर आले होते. गेल्या वर्षी 30 जुलै रोजी नताशाने मुलाला जन्म दिला होता. हार्दिक-नताशाने आपल्या पहिल्या मुलाच नाव अगस्त्या असं ठेवलं आहे. या तिघांत आता चौथा सदस्य येणार असल्याची चर्चा पांड्यानं शेअर केलेल्या फोटोवरुन सुरु झाली आहे.