Copa America Final Argentina vs Colombia Delayed : कोपा अमेरिका फुटबॉल स्पर्धेत अर्जेंटिना आणि कोलंबिया यांच्यात अंतिम सामना होत आहे. भारतीय प्रमाणवेळेनुसार सोमवारी सकाळी ५.३० वाजता ही अंतिम लढत सुरू होणार होती.
पण अंतिम सामन्यापूर्वी मियामी येथील हार्ड रॉक स्टेडियममध्ये परिस्थिती नियंत्रणाबाहेर गेली. त्यामुळे सामना नियोजित वेळेवर सुरू होऊ शकला नाही. तिकीट नसलेल्या चाहत्यांनी सामना सुरू होण्याच्या एक तास आधी सुरक्षा कर्मचाऱ्यांना बायपास करून स्टेडियममध्ये प्रवेश करण्याचा प्रयत्न सुरू केला.
2024 कोपा अमेरिका फायनल सुरू होण्याच्या अर्ध्या तासाआधी पण हार्ड रॉक स्टेडियम अर्ध्याहून कमी भरले होते. याचे कारण म्हणजे, आयोजक आणि स्थानिक अधिकाऱ्यांनी या स्टेडियमचे दरवाजे बंद केले होते, कारण तिकीट नसलेले चाहते सुरक्षा तोडून आत जात गेले होते.
कायद्याची अंमलबजावणी करणाऱ्या अधिकाऱ्याने सांगितले की, किमान 10-15 लोकांना अटक करण्यात आली आहे. तसेच चुकीच्या पद्धतीने आत जाण्याचा प्रयत्न करणाऱ्या इतर चाहत्यांना गेटमधून बाहेर काढण्यात आले. या सर्वांना अटक झाली नाही.
कोपा अमेरिकेचा अंतिम सामना भारतीय वेळेनुसार पहाटे 5.30 वाजता सुरू होणार होता. पण ती सकाळी 6.50 वाजता सुरू झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.