पटेलचा वर्ल्ड रेकॉर्ड; कुंबळे अन् जीम यांच्या विक्रमाशी बरोबरी

India vs New Zealand, 2nd Test ajaz patel equal anil kumble World Record भारतीय वंशाच्या न्यूझीलंडच्या फिरकीपटूनं मुंबईच्या वानखेडे मैदानात नवा इतिहास रचलाय. भारतीय संघाचा अख्खा डाव एजाज पटेल ( Ajaz Patel ) समोर गारद झाला. अनिल कुंबळे यांनी पाकिस्तान विरुद्धच्या सामन्यात एका डावात 10 विकेट घेतल्या होत्या. या विक्रमाशी त्याने बरोबरी केली.

कसोटी क्रिकेटच्या इतिहासात एका डावात 10 विकेट घेण्याचा पराक्रम केवळ करणारा एजाज पटेल ( Ajaz Patel ) तिसरा गोलंदाज ठरलाय. सर्वात आधी इंग्लंडच्या जीम लॅकर (Jim Laker) यांनी 1956 मध्ये ऑस्ट्रेलिया विरुद्ध मँचेस्टर कसोटी सामन्यात एका डावात 10 विकेट घेतल्या होत्या. त्यानंतर भारतीय संघाचा जम्बो अर्थात अनिल कुंबळे (Anil Kumble) यांनी 1999 मध्ये पाकिस्तान विरुद्ध अशी कमाल करुन दाखवली होती. दिल्लीच्या मैदानात पाकिस्तानचा संघ एकट्यानं गारद करत त्यांनी जीमी यांची बरोबरी केली होती. आता मुंबईच्या मैदानात न्यूझीलंडच्या फिरकीपटूनं हा पराक्रम करुन दाखवलाय.