Cricket In Olympics : आंतरराष्ट्रीय ऑलिम्पिक समितीने क्रिकेटचा 2028 च्या लॉस एंजलेस ऑलिम्पिक गेम्समध्ये समावेश करण्यासाठी परवानगी दिली आहे. याबाबतची घोषणा आज करण्यात आली. आयओसी अध्यक्ष थॉमस बेच यांनी मुंबईतील बोर्ड मिटिंगनंतर बोलताना याची माहिती दिली.
क्रिकेट सोबतच बेस बॉल, सॉफ्ट बॉल, फ्लॅग फुटबॉल लॅक्रॉसे आणि स्क्वॉश खेळांचा देखील सामावेश करण्यासाठी समितीने परवानगी दिली आहे. मात्र या सर्व नवीन खेळांच्या बाजूने आयओसी सदस्य देशांनी देखील मतदान करणे गरजेचे आहे. यासाठी सोमवारी मतदार प्रक्रिया राबलवी जाईल त्यानंतर या खेळांचा 2028 च्या लॉस एंजलेस येथील ऑलिम्पिक गेम्समधील समावेश निश्चित होईल.
थॉमस यांनी सांगितले की, 'ऑलिम्पिक समितीने लॉस एंजलेस ऑलिम्पिकमध्ये 5 नवीन खेळ समाविष्ट करण्यासाठी प्रस्ताव सादर करण्यात आला होता. समितीने तो प्रस्ताव मान्य केला आहे. यात बेसबॉल - सॉफ्टबॉल, फ्लॅग फुटबॉल, लाक्रोसे, स्क्वॉश आणि क्रिकेट यांचा समावेश आहे.'
क्रिकेटच्या ऑलिम्पिक समावेशाचं घोडं हे वाडा (WADA) आणि बीसीसीआय यांच्यातील वादामुळे अडलं होतं.
अखेर बीसीसीआय आणि आयसीसीने 2016 मध्ये अँटी डोपिंगची जागतिक संघटना वाडाच्या धोरणांचा स्विकार केला. आता महिला क्रिकेट देखील प्रसिद्ध होऊ लागलं आहे. त्यामुळे क्रिकेटच्या ऑलिम्पिक समावेशाचा मार्ग मोकळा झाला.
गेली राष्ट्रकुल स्पर्धा आणि नुकतीच झालेल्या एशियन गेम्समध्ये क्रिकेटचे पुनरागमन झाले. राष्ट्रकुल स्पर्धेत फक्त महिला क्रिकेटचा समावेश होता. तर एशियन गेम्समध्ये पुरूष क्रिकेट आणि महिला क्रिकेट दोन्हीचा समावेश होता. भारतीय महिला आणि पुरूष संघाने सुवर्ण पदक पटकावले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
