ENG vs PAK Azam Khan Video: पाकिस्तानचा विकेट किपर बॅट्समनचा एक व्हिडिओ सध्या सोशल मीडियावर चांगलाच व्हायरल होत आहे. इंग्लंडविरूद्ध सुरू असलेल्या टी 20 मालिकेत चौथ्या सामन्यात पाकिस्तानने पुन्हा एकदा निराशा केली. 25 वर्षाचा आझम खान तर 5 चेंडूंचा सामना करत शुन्यावर बाद झाला. विशेष म्हणजे त्याने फिल्डिंग करताना काही साधे झेल देखील सोडले होते.
आझम खान हा गेल्या काही टी 20 सामन्यात खराब फॉर्मधून जात आहे. तो पाकिस्तानचा माजी विकेटकिपर मोईन खानचा मुलगा आहे. टी 20 वर्ल्डकप संघात त्याची झालेली निवड देखील चर्चेचा विषय ठरली होती.
टी 20 वर्ल्डकप विजेता संघ इंग्लंडने नाणेफेक जिंकत पाकिस्तानला 157 धावात रोखलं. लेग स्पिरन आदिल राशिदने 27 धावात 2 विकेट्स घेतल्या. तर फलंदाजीत इंग्लंडने दमदार सुरूवात केली. फिल सॉल्टने 45 तर कर्णधार जॉस बटलरने 39 धावा करत 7 षटकातच 82 धावांची सलामी दिली.
त्यानंतर हॅरी ब्रुकने हारिस राऊफला षटकार मारत सामना संपवला. हारिस राऊफने पाकिस्तानसाठी 38 धावात 3 विकेट्स घेतल्या. मात्र इंग्लंडने 17 षटकातच 6 बाद 158 धावा करत सामना खिशात टाकला.
इंग्लंडने पाकिस्तानविरूद्धची चार टी 20 सामन्याची मालिका 2-0 अशी जिंकली आहे. हेडिंग्ले आणि कार्डिफमधील दोन्ही सामने पावसामुळे वॉश आऊट झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
