Gautam Gambhir: गौतम गंभीर कोच झाल्यावर बदलणार टीम इंडियाचे चित्र; रोहित-विराटचं भविष्य काय?

Gautam Gambhir Team India Head Coach: गौतम गंभीर लवकरच टीम इंडियाचा नवा मुख्य प्रशिक्षक बनू शकतो. यासंदर्भात बीसीसीआयने 18 जून रोजी गंभीरची मुलाखतही घेतली होती. वृत्तानुसार, गौतम गंभीरच्या प्रशिक्षकपदासाठी काही अटी होत्या, ज्या बीसीसीआयने मान्य केल्या आहेत.

गौतम गंभीर जर टीम इंडियाचा मुख्य प्रशिक्षक झाला तर भारतीय संघात किती बदल होईल आणि सध्याचे कर्णधार रोहित शर्मा आणि विराट कोहली यांचे पुढे काय होईल हा सर्वात मोठा प्रश्न आहे.

खरं तर, गौतम गंभीर मुख्य प्रशिक्षक बनल्यानंतर एकदिवसीय आणि कसोटी व्यतिरिक्त सर्वात जास्त बदल टी-20 संघात पाहायला मिळतील. चाहत्यांना हे बदल झिम्बाब्वेसोबतच्या टी-20 मालिकेदरम्यानच पाहता मिळतील. झिम्बाब्वे दौऱ्यावर अनेक युवा खेळाडू टीम इंडियासाठी पदार्पण करू शकतात. गौतम गंभीरचे पहिले लक्ष युवा टीम इंडियाच्या उभारणीवर असेल. त्याचबरोबर सीनियर खेळाडूंना टी-20 संघातून वगळले जाऊ शकते.

माजी क्रिकेटपटू आकाश चोप्रा म्हणतो की, गौतम गंभीर जर टीम इंडियाचा नवा मुख्य प्रशिक्षक झाला तर भारताच्या वरिष्ठ खेळाडूंसाठी खूप काही बदलेल. गंभीरसाठी हा कार्यकाळ खूपच मनोरंजक असणार आहे. संघात बदल करणेही गंभीरसाठी सोपे जाणार नाही. रोहित शर्मा, विराट कोहली, मोहम्मद शमी, रवींद्र जडेजा आणि रविचंद्रन अश्विन जे 30, 35 आणि 37 वयोगटातील आहेत. अशा परिस्थितीत टी-20 क्रिकेटमध्ये त्यांची भूमिका कमी होऊ शकते.