Ind Vs Eng T20 World Cup 2024 : इंग्लंड क्रिकेट संघाचा माजी कर्णधार मायकेल वॉन याने टी-२० विश्‍वकरंडकाच्या वेळापत्रकासह एकूणच ढाच्यावर टीका केली. वेस्ट इंडीज व अमेरिका येथील टी-२० विश्‍वकरंडकाचे आयोजन हे भारतीय संघासाठी हितकारक असेल याच दृष्टीने करण्यात आले आहे, मात्र ही स्पर्धा काही द्विपक्षीय मालिका नाही. इतर देशांचाही आयसीसीकडून विचार व्हायला हवा होता. फक्त मिळत असलेल्या नफ्याकडे बघून चालत नाही.
यूट्यूबवरील एका पॉडकास्टदरम्यान दिलेल्या मुलाखतीत मायकेल वॉन म्हणाला, टी-२० विश्‍वकरंडकातील सामने भारतीय संघाच्या मर्जीनुसार खेळवण्यात आले. उपांत्य फेरीचा सामनाही कुठे खेळवण्यात येईल हे भारतीय संघाला माहीत होता. भारताचा प्रत्येक सामना भारतीय वेळेनुसार क्रिकेटप्रेमींना रात्री बघता येईल, असे नियोजन करण्यात आले. जेणेकरून टेलीव्हीजनवर जाहीरातींचा पाऊस पडेल. ही स्पर्धा जागतिक आहे याकडे आयसीसीने लक्ष द्यायला हवे होते, पण तसे झाले नाही.
क्रिकेटप्रेमींचा पाठिंबा
मायकेल वॉन नमूद करतो की, भारतातील क्रिकेटप्रेमींचा टीम इंडियावर विश्‍वास आहे. कागदावर हा संघ तगडा आहे. त्यामुळे भारतीय संघाने प्रकाशझोतातील सामना खेळायला हवा होता. गयानाशिवाय इतर ठिकाणीही त्यांनी लढत खेळायला हवी होती. गयाना येथे जून महिन्यात ३० पैकी २४ दिवस पाऊस पडतो. त्यामुळे येथे उपांत्य फेरीचा सामना ठेवूनही काही उपयोग नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
