सबस्क्राईब करा
T20 World Cup Final 2024 : 17 वर्षे म्हणा, 12 वर्षे म्हणा किंवा 11 वर्षे म्हणा… टीम इंडियाने प्रत्येक दिग्गज खेळाडू आणि कोट्यवधी भारतीय चाहत्यांची प्रतीक्षा संपवली आहे. रोहित शर्माच्या नेतृत्वाखाली टीम इंडियाने फायनलमध्ये दक्षिण आफ्रिकेचा 7 धावांनी पराभव करून टी-20 वर्ल्ड कप 2024 चे विजेतेपद पटकावले आहे.
बार्बाडोसमध्ये खेळल्या गेलेल्या या फायनलमध्ये टीम इंडियाच्या विजयाचे अनेक स्टार्स होते आणि त्यात एक नाव सर्वात खास होते ते म्हणजे हार्दिक पांड्या.
हार्दिक पांड्याने अखेरच्या षटकात टीम इंडियाला विजय मिळवून दिला आणि तोच या सामन्याचा हिरो ठरला. या विजयानंतर टीम इंडियाचा प्रत्येक खेळाडू भावूक झाला होता आणि या भावनांच्या प्रवाहात टीमचा कर्णधार रोहित शर्माने असे काही केले की जे सर्वांचे मन जिंकेल.
टीम इंडियाच्या विजयानंतर हार्दिक पांड्या स्टार स्पोर्ट्सशी बोलत होता आणि त्याच्या मुलाखतीच्या मध्यभागी अचानक कर्णधार रोहित शर्मा आला आणि त्याच्या गालावर किस घेऊन आपला आनंद व्यक्त केला. हा व्हिडीओ समोर येताच सोशल मीडियावर तो हिट झाला.
मुंबई इंडियन्सचे कर्णधारपद सोडल्यापासून रोहित आणि हार्दिक पांड्या यांच्यात मतभेद असल्याच्या बातम्या येत होत्या. पण वर्ल्डकप पेक्षा मोठं काहीही नाही.
हार्दिकने फिरवला सामना
हेनरिक क्लासेन स्फोटक खेळी खेळत होता आणि दक्षिण आफ्रिकेला 24 चेंडूत फक्त 26 धावा हव्या होत्या. येथे हार्दिकने 17व्या षटकाच्या पहिल्या चेंडूवर क्लॉसेनची विकेट घेत टीम इंडियासाठी पुनरागमन केले आणि त्यानंतर 20व्या षटकाच्या पहिल्या चेंडूवर डेव्हिड मिलरची विकेट घेत विजयावर शिक्कामोर्तब केला. हार्दिकने 3 षटकात फक्त 20 धावा देत 3 बळी घेतले.
सामन्याबद्दल बोलायचे झाले तर, प्रथम फलंदाजी करण्यासाठी आलेल्या भारतीय संघाने निर्धारित 20 षटकात 7 गडी गमावून 176 धावा केल्या. प्रत्युत्तरात दक्षिण आफ्रिकेचा संघ 20 षटकांत 8 गडी गमावून 169 धावाच करू शकला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
