India Cricket Team:वेस्ट इंडिज आणि अमेरिका येथे यंदा टी20 वर्ल्ड कपचे नववे पर्व खेळवले जात आहे. या स्पर्धेत भारतीय संघ आपल्या मोहिमेची सुरुवात आयर्लंडविरुद्धच्या सामन्याने करणार आहे. भारत आणि आयर्लंड संघात बुधवारी (5 जून) हा सामना होणार आहे.
भारत आणि आयर्लंड संघ न्युयॉर्कमधील नव्याने बांधण्यात आलेल्या नसाऊ काउंटी आंतरराष्ट्रीय क्रिकेट स्टेडियमवर खेळवला जाणार आहे. हा सामना भारतीय प्रमाणवेळेनुसार रात्री ८ वाजता सुरू होईल. या सामन्यापूर्वी भारतीय संघ जोरदार सराव करताना दिसला आहे. बीसीसीआयने भारतीय संघाच्या सरावाचा व्हिडिओ सोशल मीडियावर शेअर केला आहे.
या व्हिडिओमध्ये भारतीय संघातील सर्व खेळाडू मैदानात घाम गाळताना दिसत आहेत. यामध्ये दिसते की मुख्य संघातील 15 खेळाडूच नाही, तर राखीव खेळाडूंमध्ये असलेले शुभमन गिल, रिंकू सिंग, खलील अहमद आणि आवेश खान या खेळाडूंनीही मेहनत घेतल्याचे दिसले आहे.
तसेच विराट कोहलीनेही या सराव सत्रात सहभाग घेतल्याचे दिसले. विराट भारतीय संघात सर्वात शेवटी सहाभागी झालेला होता. त्यामुळे तो बांगलादेशविरुद्ध सराव सामनाही खेळला नव्हता. मात्र, त्यानंतर तोही भारतीय संघासह सराव सत्रादरम्यान नेट्समध्ये घाम गाळताना दिसला.
याशिवाय रोहित शर्मा, शिवम दुबे, सूर्यकुमार यादव, जसप्रीत बुमराह, मोहम्मद सिराज असे अनेक खेळाडूही नेट्समध्ये सराव करताना दिसत आहेत.
दरम्यान, लक्षात घेण्यासारखी गोष्ट अशी की सध्या स्पर्धेतील सामने सुरु असल्याने सरावासाठी न्युयॉर्कमध्ये काँटिगे पार्कमध्ये सरावाची सोय उपलब्ध करून देण्यात आली आहे. याबाबत बोलताना द्रविड म्हणाला हे जरा विचित्र आहे की आम्ही पल्बिक पार्कमध्ये सराव करत आहोत.
भारताला पहिल्या फेरीतील पहिले तीन सामने न्युयॉर्कमध्ये खेळायचे आहेत, तर अखेरचा सामना फ्लोरिडाला होणार आहे. दरम्यान बहुप्रतिक्षित भारत विरुद्ध पाकिस्तान सामनाही 9 जून रोजी न्यूयॉर्कलाच पार पडणार आहे.
टी-20 वर्ल्ड कपसाठी भारतीय संघ : रोहित शर्मा, यशस्वी जैस्वाल, विराट कोहली, सूर्यकुमार यादव, ऋषभ पंत (यष्टीरक्षक), संजू सॅमसन (यष्टीरक्षक), हार्दिक पांड्या (उपकर्णधार), शिवम दुबे, रवींद्र जडेजा, अक्षर पटेल, कुलदीप यादव, युजवेंद्र चहल, अर्शदीप सिंग, जसप्रीत बुमराह, मोहम्मद सिराज.
राखीव खेळाडू : शुभमन गिल, रिंकू सिंग, खलील अहमद, आवेश खान
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
