सबस्क्राईब करा
भारताने विजयासाठी 197 धावांचे आव्हान बांगलादेशला पेलवलं नाही. भारताचा फिरकीपटू कुलदीप यादवने भेदक मारा करत बांगलादेशच्या फलंदाजीचे कंबरडे मोडले. भारताने सामना 50 धावांनी जिंकला. भारत आता सुपर 8 च्या ग्रुप 1 मध्ये 4 गुणांसह अव्वल स्थानावर पोहचला आहे.
बांगलादेशला 20 षटकात 8 बाद 145 धावांपर्यंतच मजल मारता आली. कुलदीपने 4 षटकात 19 धावा देत 3 विकेट्स घेतल्या. तर जसप्रीत बुमराह आणि अर्शदीपने 2 विकेट्स घेत त्याला चांगली साथ दिली. हार्दिकने देखील एक एक विकेट घेत चांगला मारा केला. बांगलादेशकडून कर्णधार नजमुल हुसैन शन्तोने सर्वाधिक 40 धावा केल्या.
भारताने बांगलादेशविरूद्धच्या सामन्यात प्रथम फलंदाजी करताना आक्रमक शैलीत सुरूवात केली. रोहित शर्मा आणि विराट कोहलीने 3 षटकात 39 धावा केल्या. मात्र त्यानंतर रोहित शर्मा 10 चेंडूत 23 धावा करून बाद झाला. पाठोपाठ विराट कोहली देखील 37 धावांवर बाद झाला. सूर्याही आल्या आल्या एक षटकार मारून माघारी फिरला. भारताची अवस्था 3 बाद 77 धावा अशी झाली. यानंतर ऋषभ पंतने भारताला शतकी मजल मारून दिली. मात्र तोही 36 धावा करून बाद झाला.
पंत बाद झाल्यानंतर हार्दिक पांड्याने डावाची सूत्रे आपल्या हातात घेतली. त्याला शिवम दुबेने 34 धावा करून चांगली साथ दिली. या दोघांनी पाचव्या विकेटसाठी 52 धावांची भागीदारी रचली. दुबे बाद झाल्यानंतर हार्दिक पांड्याने 27 चेंडूत नाबाद 50 धावा करत भारताला 196 धावांपर्यंत पोहचवले.
भारताने बांगलादेशचा 50 धावांनी पराभव करत सुपर 8 चा दुसरा सामना जिंकला. याचबरोबर ग्रुप 1 मध्ये अव्वल स्थान पटकावलं.
कुलदीप यादवनं आपल्या स्पेलमध्ये 3 विकेट्स घेत बांगलादेशच्या फलंदाजीचं कंबरड मोडलं. त्यानंतर जसप्रीत बुमराह आणि अर्शदीप सिंगनं देखील विकेट्स घेत बांगलादेशची अवस्था 16 षटकात 6 बाद 110 धावा अशी झाली होती.
कुलदीप यादवने बांगलादेशला दोन धक्के देत त्यांना बॅकफूटवर ढकललं. यामुळे बांगलादेशच्या 12 षटकात 3 बाद 80 धावा झाल्या.
भारताच्या 197 धावांच्या आव्हानाचा पाठलाग करताना बांगलादेशने पॉवर प्लेमध्ये आक्रमक सुरूवात करण्याचा प्रयत्न केला. बांगलादेशने 10 षटकात 67 धावा केल्या. मात्र हार्दिकने लिटन दासला 13 धावांवर तर कुलदीप यादवने तनझीद हसनला 29 धावांवर बाद करत दोन धक्के दिले.
हार्दिक पांड्याने 27 चेंडूत नाबाद 50 धावांची अर्धशतकी खेळी करत भारताला 20 षटकात 5 बाद 196 धावांपर्यंत पोहचवलं.
हार्दिक पांड्याने आक्रमक फलंदाजी करत भारताला 150 धावांच्या पार करून दिल्या. त्याने शिवम दुबेच्या साथाने तुफान फटकेबाजी केली. शिवमने देखील फटकेबाजी करत 24 चेडूत 34 धावा केल्या.
ऋषभ पंतने 23 चेंडूत 36 धावा करत भारताला 12 व्या षटकात भारताला शतकी मजल मारून दिली. मात्र तो रिव्हर्स स्विप मारण्याच्या नादात तो राशिद हुसैनला विकेट दिली. भारताच्या 12 षटकात 4 बाद 112 धावा झाल्या आहेत.
बांगलादेशने भारताला पाठोपाठ दोन धक्के दिले. तंझीमने विराट कोहलीचा त्रिफळा उडवल्यानंतर सूर्यकुमारला देखील 6 धावांवर बाद केले. भारताच्या 9 षटकात 3 बाद 80 धावा झाल्या होत्या.
रोहित बाद झाल्यानंतर विराट कोहली आणि ऋषभ पंत यांनी भारताला 8 षटकात 71 धावा केल्या. मात्र पुढच्याच षटकात तंझीमने त्याचा 36 धावांवर त्रिफळा उडवला.
रोहित शर्माने 10 चेंडूत 23 धावा करत भारताला दमदार सुरूवात करून दिली. मात्र तो आक्रमक फटका मारण्याच्या नादात तो झेलबाद झाला. भारताच्या 5 षटकात 1 बाद 42 धावा केल्या.
रोहित शर्माने नाणेफेकीनंतर आम्ही पहिल्यांदा फलंदाजी करणार होतो असं सांगितलं. रोहितने आपल्या संघात एकही बदल न करता विनिंग कॉम्बिनेशनला हात न लावण्याचा निर्णय घेतला आहे.
बांगलादेशने नाणेफेक जिंकून प्रथम गोलंदाजी करण्याचा निर्णय घेतला आहे. भारताचा कमी धावसंख्येत रोखण्याचा मानस नजमुलनं बोलून दाखवला आहे. बांगलादेशने आपल्या संघात एक बदल केला आहे. त्यांनी टस्किन हा खेळणार नाहीये.
भारत आणि बांगलादेश यांच्यातील टी 20 क्रिकेटमधील स्कोअर हा 12-1 असा आहे. भारताने 12 तर बांगलादेशने 1 सामना जिंकला आहे. टी 20 वर्ल्डकपमध्ये भारत - बांगलादेश 4 वेळा आमने सामने आले होते. त्यातील एकदाही बांगलादेशला भारताला मात देता आलेली नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.