Rohit Sharma Vs Jos Buttler : गयानाचे प्रोव्हिडन्स स्टेडियम 2024 च्या T20 विश्वचषक स्पर्धेच्या उपांत्य फेरीचे आयोजन करण्यासाठी सज्ज आहे. भारत आणि इंग्लंड पुन्हा एकदा आमनेसामने येणार आहेत. 2022 मध्ये या दोघांमध्ये उपांत्य फेरी खेळली गेली आणि भारताला 10 गडी राखून पराभव पत्करावा लागला, परंतु यावेळी रोहित शर्माच्या संघाने टी 20 खेळतानाचा आपला दृष्टिकोन बदलला आहे.
गतविजेता इंग्लंडचा कर्णधार जॉस बटलर आक्रमक भारतापासून सावध आहे, जो T20 विश्वचषक 2024 मध्ये आतापर्यंत अपराजित आहे आणि आव्हानासाठी सज्ज आहे.
दरम्यान, भारताचा कर्णधार रोहित शर्मा आणि इंग्लंडचा कर्णधार जॉस बटलर यांच्या बाबतीत सामन्यापूर्वी तब्बल 6 योगायोग जुळून आले आहेत.
रोहित आणि बटलर या दोघांनीही यावर्षी T20 आंतरराष्ट्रीय सामन्यात समान चेंडू खेळले आहेत - 𝟭𝟵2
रोहित आणि बटलर या दोघांनी यंदाच्या T20 विश्वचषकात समान धावा केल्या आहेत - 𝟭𝟵𝟭
रोहित आणि बटलर या दोघांनीही यावर्षी टी-20 आंतरराष्ट्रीय सामन्यात समान अर्धशतके आहेत. - 2
या T20 विश्वचषकात रोहित आणि बटलर दोघांचेही स्ट्राइक रेट समान आहेत – 𝟭𝟱𝟵.𝟭𝟲
दोघेही त्यांच्या संघाचे कर्णधार आहेत, एक भारताचा आणि दुसरा इंग्लंडचा.
आज या T20 विश्वचषकात दोघेही एकमेकांविरुद्ध सेमीफायनल खेळणार आहेत.
कोट्यवधी क्रिकेटप्रेमी टीम इंडियाच्या विजयासाठी प्रार्थना करत आहेत, कारण पुढील विश्वचषक स्पर्धेत भारताचे अनेक सर्वोत्तम स्टार्स खेळताना दिसणार नाहीत. आयसीसी ट्रॉफीची प्रदीर्घ काळापासून असलेली उणीवही भरून काढावी, अशी प्रत्येकाची इच्छा आहे.
टीम इंडियासाठी हा करा किंवा मरो सामना 2022 च्या उपांत्य फेरीची आठवण करून देणारा आहे, जेव्हा भारताचा इंग्लंडकडून पराभव झाला होता. चाहत्यांमध्ये उत्साह स्पष्ट दिसत आहे. पावसाच्या शक्यतेमुळे भारतीय क्रिकेट चाहते मोठ्या संख्येने स्टेडियममध्ये पोहोचतील अशी अपेक्षा आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
