सबस्क्राईब करा
India vs South Africa T20 World Cup 2024 Finals : टी-20 वर्ल्ड कप 2024 चा अंतिम सामना भारत आणि दक्षिण आफ्रिका यांच्यात होणार आहे. हा हाय व्होल्टेज सामना बार्बाडोसमध्ये शनिवारी 29 जून रोजी खेळला जाणार आहे. दोन्ही संघांनी एकही सामना न गमावता अंतिम फेरी गाठली आहे. अशा स्थितीत फॉर्मात असलेल्या दोन संघांमध्ये चुरशीची लढत पाहिला मिळेल. दरम्यान आयसीसीने भारत-दक्षिण आफ्रिका यांच्यातील वर्ल्ड कपच्या अंतिम सामन्यासाठी पंचांची घोषणा केली आहे.
टी-20 वर्ल्ड कप 2024 च्या अंतिम सामन्यासाठी पंचांची नावे जाहीर करण्यात आली आहेत. आयसीसीने सांगितले की अंतिम सामन्यातील मैदानी पंचाची जबाबदारी ख्रिस गॅफनी (न्यूझीलंड) आणि रिचर्ड इलिंगवर्थ (इंग्लंड) यांच्या खांद्यावर असेल, तर टीव्ही पंच रिचर्ड कॅटलबरो (इंग्लंड) असतील. आता या तिन्ही पंचांची नियुक्ती करण्याचे कारण म्हणजे त्यांची क्षमता तर आहेच, पण यापैकी कोणीही भारत किंवा दक्षिण आफ्रिकेशी संबंधित नाही.
रिचर्ड केटलबरो यांच्या उपस्थितीमुळे भारताची चिंता वाढली?
रिचर्ड केटलबरो 2024 च्या टी-20 वर्ल्ड कपमध्ये मैदानावरील पंच असणार नाही. पण, तो टीव्ही अंपायर असणार आहे. भारतीय सामन्यांमध्ये केटलबरोचा रेकॉर्ड खूपच खराब आहे. जेव्हा-जेव्हा रिचर्ड कॅटलबरो बाद फेरीच्या सामन्यात पंच असतो, तेव्हा भारताने ते सामने गमावले आहेत. 1, 2 किंवा 3 नाही तर 7 बाद फेरीचे सामने याची साक्ष देतात.
29 जूनला रचला जाणार इतिहास
टी-20 वर्ल्ड कप 2024 मध्ये टीम इंडिया आणि दक्षिण आफ्रिका यांच्यात हाय व्होल्टेज फायनल सामना होणार आहे. हा सामना २९ जून रोजी रात्री ८ वाजता सुरू होईल. हा सामना भारत किंवा दक्षिण आफ्रिका जिंकला तरी इतिहास रचला जाईल हे नक्की. खरं तर भारत आणि आफ्रिकेचे दोन्ही संघ या स्पर्धेत आतापर्यंत अजिंक्य आहेत, म्हणजेच दोघांनी एकही सामना गमावलेला नाही. एकही सामना न गमावता एखाद्या संघाने ट्रॉफी जिंकली असेल, असे आजच्या आधी कधीच घडले नव्हते. पण, यावेळी भारत-दक्षिण आफ्रिकेला हा विक्रम करण्याची संधी आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
