T20 World Cup 2024: रोहितच्या रोबो वॉकचा असा शिजला होता प्लॅन, ICC च्या Video ने उघडलं रहस्य

Rohit Sharma Celebration: भारतीय क्रिकेट संघाने शनिवारी (२९ जून) टी२० वर्ल्ड कप २०२४ स्पर्धेचे विजेतेपद जिंकले. बार्बाडोसला झालेल्या अंतिम सामन्यात भारताने दक्षिण आफ्रिकेला ७ धावांनी पराभूत केलं. भारताचे हे दुसऱे टी२० वर्ल्ड कप विजेतेपद आहे. यापूर्वी भारताने २००७ साली टी२० वर्ल्ड कप जिंकला होता.

दरम्यान, भारतीय संघाने हे विजेतेपद जिंकल्यानंतर खेळाडूंना विजेते म्हणून मेडल देण्यात आले. यानंतर बीसीसीआयचे सचिव जय शाह यांनी रोहित शर्माकडे टी२० वर्ल्ड कप सोपवण्यात आला. दरम्यान हा वर्ल्ड कप स्विकारण्यासाठी रोहित रोबो वॉक करत आला होता. त्याच्या या रोबो वॉकची बरीच चर्चा झाली.

आता या रोबो वॉकमागची कल्पना कोणाची होती, हे समोर आलं आहे. आयसीसीने एक व्हिडिओ शेअर केला आहे. ज्यामध्ये दिसते की जेव्हा खेळाडू मेडल घेण्यासाठी येत होते. तेव्हा कुलदीप यादव रोहितला रोबो वॉक करत येण्याबद्दल सुचवताना दिसत आहे.

यावेळी सूर्यकुमार यादवनेही या संभाषणात भाग घेतल्याचे दिसत आहे. त्यावेळी ते मस्ती करतानाही दिसत आहे. अखेर नंतर ट्रॉफी घेताना रोहितने कुलदीपची कल्पना ऐकल्याचे दिसले आणि त्याने रोबो वॉक करत ट्रॉफी उंचावली.

रोहित एकमेव भारतीय

लक्षात घेण्यासारखी गोष्ट अशी की रोहित २००७ च्या टी२० वर्ल्ड कप विजेत्या भारतीय संघाचाही भाग होता. त्यामुळे तो दोन टी२० वर्ल्ड कप जिंकणारा एकमेव खेळाडू ठरला आहे.

अंतिम सामन्यात भारताचा विजय

दरम्यान अंतिम सामन्यात भारताने प्रथम फलंदाजी करताना २० षटकात ७ बाद १७६ धावा केल्या होत्या. त्यानंतर १७७ धावांच्या लक्ष्याचा पाठलाग करताना दक्षिण आफ्रिकेला २० षटकात ८ बाद १६९ धावाच करता आल्या.