Rapper Drake Betting India Vs Pakistan : भारत आणि पाकिस्तान यांच्यातील हाय व्होल्टेज सामना आज न्यूयॉर्क येथे होत आहे. या सामन्याची क्रेज ही आशियात नाही तर अमेरिका आणि कॅनडामध्ये देखील आहे. यंदाचा टी 20 वर्ल्डकप हा युएसए आणि वेस्ट इंडीज येथे होत आहे. आयसीसीने अनेक चाहत्यांना आकर्षित करण्यासाठी जोरदार प्रयत्न केले आहेत.
दरम्यान, कॅनडाचा प्रसिद्ध रॅपर ड्रेकने इन्स्टाग्राम स्टोरीद्वारे सांगितले की त्याने भारत आणि पाकिस्तान सामन्यावर बेटिंग केलं आहे. त्याने भारतीय संघावर तब्बल 5 कोटी रूपये लावले आहेत.
रॅपर ड्रेकने क्रिकेट सामन्यावर बेटिंग करण्याची ही काही पहिलीच वेळ नाहीये. त्याने आयपीएल 2024 च्या फायनलवर देखील सट्टा लावला होता. त्यावेळी त्याने 3.37 कोटी रूपये कमवल्याचं त्यानं सांगितलं होतं. त्याने केकेआरवर 2 लाख 50 हजार डॉलर लावले होते. त्यातून त्यानं 1.7 कोटी रूपयांचा फायदा कमावला होता.
सामन्याबद्दल सांगायचं झालं तर पाकिस्तानला या सामन्यात विजय आवश्यकच आहे. कारण पहिल्या सामन्यात त्यांचा युएसएने पराभव केला होता. दुसरीकडं भारताला आपली विजयी घोडदौड कायम ठेवायची आहे. पाकिस्तानचा अष्टपैलू खेळाडू इमाद वासिम भारताविरूद्धच्या सामन्यात खेळणार आहे. त्याला फिट घोषित करण्यात आलं आहे. वासिम युएसएविरूद्धच्या पहिल्या सामन्यात दुखापतीमुळे खेळला नव्हता.
इमाद वासिमला इंग्लंडविरूद्धच्या मालिकेत दुखापत झाली होती. त्यानंतर त्याला टी 20 वर्ल्डकपमधील पहिल्या सामन्याला मुकावे लागले होते. आता पाकिस्तानचा कोच गॅरी कर्स्टनने सांगितले की, तो सामन्यासाठी उपलब्ध आहे. गॅरीने पाकिस्तानचा संघ कसा असेल हे मात्र गुलदस्त्यातच ठेवलं. कारण पाकिस्तानच्या इतर खेळाडूंच्या दुखापतीबाबत अजून माहिती समोर आलेली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
