![Rishabh Pant](http://media.assettype.com/esakal%2F2024-06%2Fa42d2fe9-79b3-49ef-bd4b-09afaeda3de7%2Frishabh_pant___21_.jpg?w=480&auto=format%2Ccompress&fit=max)
Rishabh Pant T20 World Cup 2024 : टी 20 वर्ल्डकप 2024 च्या भारत आणि बांगलादेश यांच्यातील सराव सामन्यात भारताची सुरूवात खराब झाली होती. सलामीला बढती मिळालेला संजू सॅमसन हा 1 धावा करून बाद झाला. मात्र त्यानंतर विराट कोहलीच्या जागेवर म्हणजे तिसऱ्या क्रमांकावर ऋषभ पंतला फलंदाजी करण्याची संधी मिळाली. त्यानं रोहित शर्मासोबत दमदार भागीदारी रचत संघाला 6 षटकात 55 धावांपर्यंत पोहचवलं.
अपघातात जखमी झाल्यानंतर ऋषभ पंत जवळपास वर्षभर क्रिकेटच्या मैदानापासून दूर होता. त्यानं आयपीएलच्या 17 व्या हंगामात पुनरागमन केलं अन् दिल्लीसाठी अनेक दमदार खेळी केल्या. मात्र आंतरराष्ट्रीय स्तरावर पंत कशी कामगिरी करतो याची उत्सुकता सर्वांना लागून राहिली होती.
आज बांगलादेश विरूद्धच्या सराव सामन्यात रोहित शर्माने देखील त्याला तिसऱ्या क्रमांकावर फलंदाजी करण्याची संधी देत त्याला सरावासाठी जास्त चेंडू कसे मिळतील हे पाहिलं. पंतने देखील तुफान फटकेबाजी करत 32 चेंडूत नाबाद 53 धावा केल्या. अर्धशतकानंतर पंत रिटायर्ड झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.