T20 World Cup 2024 : भारतीय क्रिकेट संघाने आयसीसी टी-20 वर्ल्ड कप 2024 च्या पहिल्या सामन्यात विजयाने सुरुवात केली. न्यू यॉर्कमधील नासाऊ काउंटी इंटरनॅशनल स्टेडियमवर आयर्लंडविरुद्ध खेळल्या गेलेल्या सामन्यात भारतीय संघाने आयर्लंडचा 8 गडी राखून पराभव केला. भारतीय संघाने आयर्लंडला अवघ्या 96 धावांत गुंडाळले आणि त्यानंतर हे लक्ष्य 13 षटकांतच गाठले.
या सामन्यात कर्णधार रोहित शर्माच्या बॅटमधून 52 धावांची उत्कृष्ट खेळी पाहायला मिळाली पण फलंदाजी करताना त्याच्या खांद्याला दुखापत झाली. त्यामुळे तो डावाच्या मध्यभागी निवृत्त होऊन पॅव्हेलियनमध्ये परतला. त्यामुळे रोहित पाकिस्तानविरुद्ध खेळू शकणार का, असा प्रश्न निर्माण झाला आहे.
कर्णधार रोहित शर्मा अचानक मैदानाबाहेर गेल्यामुळे टीम इंडिया टेन्शनमध्ये दिसत आहे. खरं तर, दहाव्या षटकात अर्धशतक पूर्ण केल्यानंतर रोहितला दुखापत झाली. वेगवान गोलंदाज जोश लिटलचा शॉर्ट पिच बॉल रोहितच्या उजव्या खांद्यावर जोरात लागला. यानंतर फिजिओ मैदानात आल्यानंतर त्याने पॅव्हेलियनमध्ये परतण्याचा निर्णय घेतला
रोहित पाकिस्तानविरुद्ध खेळू शकेल का?
पण रोहित पाकिस्तानविरुद्धच्या पुढील सामन्यात खेळू शकणार का, असा प्रश्न उपस्थित होऊ लागला आहे. पण या सामन्यात टीम इंडियाच्या विजयानंतर रोहितने त्याच्या दुखापतीबद्दल सांगितले की, त्याची दुखापत फारशी गंभीर नाही, ही दुखापत थोडी आहे त्यामुळे त्याने मैदानाबाहेर जाण्याचा निर्णय घेतला. भारतीय संघाला टी-20 वर्ल्ड कपमध्ये आपला पुढचा सामना ९ जून रोजी पाकिस्तानविरुद्ध खेळायचा आहे, त्याआधी कर्णधार रोहितचे हे विधान सर्व चाहत्यांसाठी निश्चितच दिलासादायक मानले जाऊ शकते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
