Saurabh Netravalkar : सौरभचा अभ्यास पक्का; विराट पाठोपाठ रोहित शर्माचीही केली शिकार

Saurabh Netravalkar : भारताच्या डावखुऱ्या वेगवान गोलंदाज अर्शदीप सिंगने युएसएला नोमोहरम करून टाकलं. मात्र युएसएच्या डावखुऱ्या सौरभ नेत्रावळकरने देखील भारताला मोठा धक्का दिला. त्याने भारताची रन मशिन विराट कोहलीला शुन्यावर बाद केलं. सौरभने पहिल्याच चेंडूवर विराटला विकेटकिपरकडे झेल देण्यास भाग पाडलं. यानंतर आपल्या पुढच्याच षटकात सौरभ नेत्रावळकरने मुंबईकर रोहित शर्माला देखील पॅव्हेलियनची वाट धरायला लावली.

भारताने नाणेफेक जिंकून प्रथम गोलंदाजी करत युएसएला 110 धावात रोखले. त्यानंतर भारताने आपल्या डावाची सुरूवात केली. मात्र युएसएचा डावखुरा वेगवान गोलंदाज सौरभ नेत्रावळकरने भेदक मारा करत भारताला दोन धक्के दिले. त्याने इनिंगच्या पहिल्याच षटकात भारताचा स्टार फलंदाज विराट कोहलीला चकवा दिला. त्याने विराट कोहलीला दुसऱ्या चेंडूवर शुन्यावर बाद केलं. हा विराटचा सामन्यातला पहिलाच चेंडू होता.

विराट कोहली ज्यावेळी बाद झाला त्यावेळी रोहित शर्माची रिअॅक्शन बघण्यासारखी होती. पहिले षटक संपल्यानंतर रोहित आणि ऋषभरने भारताला 10 धावांपर्यंत पोहचवले. मात्र तिसरे षटक घेऊन आलेल्या नेत्रावळकरने पुन्हा एकदा भारताला मोठा धक्का दिला. यावेळी देखील षटकाच्या दुसऱ्या चेंडूवर नेत्रावळकरने रोहितला 3 धावांवर बाद केलं.