RSA vs NEP T20 World Cup 2024 : टी 20 वर्ल्डकपम 2024 मध्ये आज (दि. 15) मोठा उलटफेर होता होता राहिला. नेपाळने दक्षिण आफ्रिकेचा जवळपास पराभव केला होता. मात्र शेवटच्या षटकात दक्षिण आफ्रिकेने चांगला मारा करत अवघ्या 1 धावेने विजय मिळवला.
नेपाळने दक्षिण आफ्रिकेला 115 धावात रोखलं होतं. त्यानंतर नेपाळने 14 षटकात 2 बाद 85 धावांपर्यंत मजल मारली. मात्र त्यानंतर त्यांची घसरण झाली अन् त्यांनी अवघ्या 5 धावात 4 विकेट्स गमावल्या. अखेरच्या चेंडूवर विजयासाठी 2 धावांची गरज असताना गुलशन धावबाद झाला अन् आफ्रिकेने निसटता विजय मिळवला. आजच्या सामन्यात टी 20 वर्ल्डकप आणि टी 20 आंतरराष्ट्रीय क्रिकेटमधील बरेच विक्रम देखील झाले आहेत.
टी 20 वर्ल्डकपमध्ये एका धावेने विजय मिळवणारे संघ
2009 - दक्षिण आफ्रिका विरूद्ध न्यूझीलंड, लॉर्ड्स
2010 - न्यूझीलंड विरूद्ध पाकिस्तान, ब्रिजटाऊन
2012 - भारत विरूद्ध दक्षिण आफ्रिका, कोलंबो
2016 - भारत विरूद्ध बांगलादेश, बंगळुरू
2022 - झिम्बाब्वे विरूद्ध पाकिस्तान, पर्थ
2024 - दक्षिण आफ्रिका विरूद्ध नेपाळ, किंग्जटाऊन
टी 20 क्रिकेटमध्ये सर्वाधिकवेळा 1 धावेने विजय मिळवणारे संघ
दक्षिण आफ्रिका - 5
इंग्लंड - 2
न्यूझीलंड - 2
भारत - 2
आयर्लंड - 2
केनिया - 2
टी 20 क्रिकेटमध्ये दक्षिण आफ्रिकेने डिफेंड केलेले सर्वात कमी धावांचे टार्गेट
2024 - बांगलादेशविरूद्ध 114 धावा
2013 - श्रीलंकेविरूद्ध 116 धावा
2024 - नेपाळविरूद्ध 116 धावा
2010 - वेस्ट इंडीज विरूद्ध 121 धावा
2009 - न्यूझीलंडविरूद्ध 129 धावा
टी 20 वर्ल्डकपमध्ये डिफेंड केलेले सर्वात कमी धावांचे टार्गेट
2024 - दक्षिण आफ्रिका विरूद्ध बांगलादेश, 114 धावा
2024 - दक्षिण आफ्रिका विरूद्ध नेपाळ, 116 धावा
2014 - श्रीलंका विरूद्ध न्यूझीलंड, 120 धावा
2024 - भारत विरूद्ध पाकिस्तान, 120 धावा
2016 - अफगाणिस्तान विरूद्ध वेस्ट इंडीज, 124 धावा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
