T20 WC, Scotland Kit: टी-20 वर्ल्ड कप स्पर्धेत स्कॉटलंडच्या संघाने आपल्या पहिल्या सामन्यात बांगलादेशला पराभवाचा धक्का देत सर्वांचे लक्ष आपल्याकडे वेधले. यंदाच्या स्पर्धेत स्कॉटलंडचा संघ जे किट घालून मैदानात उतरलाय त्याचीही चांगलीच चर्चा सुरु आहे. विशेष म्हणजे स्कॉटलंड संघाच्या जर्सीचे डिझाइन हे 12 वर्षांच्या मुलीने केले आहे. तिच्या कौशल्यामुळे नेटकरी चांगलेच प्रभावित झाले असून सोशल मीडियावर या मुलीवर कौतुकाचा वर्षाव होताना पाहायला मिळत आहे.
12 वर्षीय Rebecca Downie हिने स्कॉटलंड संघाच्या जर्सीचे डिझाइन केले आहे. स्कॉटलंड क्रिकेट बोर्डाने ट्विटच्या माध्यमातून Rebecca Downie चे आभार मानले आहेत. क्रिकेट बोर्डाने ती स्कॉटलंडचा पहिला सामना पाहतानाचा फोटोही शेअर केलाय.
वर्ल्ड कप स्पर्धा सुरु होण्यापूर्वी स्कॉटलंड क्रिकेट बोर्डाने एक स्पर्धा आयोजित केली होती. या स्पर्धेत वेगवेगळ्या भागातील 200 शालेय विद्यार्थी सहभागी होते. या विद्यार्थ्यांकडून वर्ल्ड कपसाठी जाणाऱ्या स्कॉटलंड संघाची जर्सी कशी असावी? यासाठी डिझाइनची मागणी करण्यात आली होती. यातील Rebecca Downie चे डिझाइन फायनली सिलेक्ट झाले.
पर्पल रंगाची स्कॉटलंडटी जर्सी सध्या सर्वांच्याच आकर्षणाचा विषय ठरत आहे. सोशल मीडियावर यासंदर्भात अनेक प्रतिक्रिया उमटत असून वर्ल्ड कप स्पर्धेतील हे सर्वोत्तम डिझाइन असल्याचे मत काहींनी व्यक्त केले आहे. स्कॉटलंडचा संघ ज्यावेळी बांगलादेश विरुद्धच्या सामन्यात मैदानात उतरला तो दिवस संघासह Rebecca Downie साठीही खास होता. वर्ल्ड कपला रवाना होण्यापूर्वी संघातील खेळाडूंनी तिची भेटही घेतली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
