![T20 World Cup 2024 Ind vs Pak Pitch](http://media.assettype.com/esakal%2F2024-06%2F2a801e4f-16db-4ae1-872f-982c5f407bfc%2FT20_World_Cup_2024_India_vs_Pakistan_pitch_report.jpg?w=480&auto=format%2Ccompress&fit=max)
T20 World Cup 2024 Ind vs Pak Pitch Report : टी-20 वर्ल्ड कप 2024 चा हाय व्होल्टेज सामना आज रात्री 8 वाजता भारत आणि पाकिस्तान यांच्यात खेळला जाणार आहे. दोन्ही संघांची तयारी जवळपास पूर्ण झाली आहे. मात्र, सामन्यादरम्यान वापरल्या जाणाऱ्या खेळपट्टीबाबत मोठी माहिती समोर आली आहे.
भारत-पाकिस्तान सामना हा वापरलेल्या खेळपट्टीवर खेळला जाणार आहे. या खेळपट्टीवर नेदरलँड आणि दक्षिण आफ्रिका यांच्यात स्पर्धेतील 16 वा सामना खेळला गेला होता.
प्रथम फलंदाजी करताना नेदरलँड्सने केवळ 103/9 धावा केल्या, ज्याच्या प्रत्युत्तरात दक्षिण आफ्रिकेने पहिल्या 4 विकेट केवळ 12 धावांत गमावल्या होत्या. मात्र डेव्हिड मिलरने एकट्याने किल्ला लढवला आणि संघाला विजय मिळवून दिला. आता अशी अटकळ बांधली जात आहे की, जर टीम इंडिया आणि पाकिस्तान संघ त्या खेळपट्टीवर खेळला तर स्कोअर 100 पेक्षा कमी होऊ शकतो.
नासाऊ काउंटी इंटरनॅशनल क्रिकेट स्टेडियमचे तात्पुरते बांधकाम गेल्या ३ महिन्यांत करण्यात आले आहे. ऑस्ट्रेलियातील ॲडलेड शहरातून बनवलेली खेळपट्टी या मैदानावर वापरण्यात येत आहेत. मात्र, या खेळपट्ट्यांवर आतापर्यंत खेळलेल्या सर्वच संघांचे फलंदाज संघर्ष करताना दिसले. या स्पर्धेतील पहिला सामना दक्षिण आफ्रिका आणि श्रीलंका यांच्यात झाला. प्रथम फलंदाजी करताना दक्षिण आफ्रिकेने 17व्या षटकात लक्ष्याचा पाठलाग करताना श्रीलंकेचा डाव केवळ 77 धावांत गुंडाळला.
भारत आणि आयर्लंड यांच्यात खेळल्या गेलेल्या दुसऱ्या सामन्यात आयरिश संघ केवळ 96 धावांवर गारद झाला आणि टीम इंडियाने 13व्या षटकात लक्ष्य गाठले. न्यूयॉर्कच्या मैदानाच्या खेळपट्टीवर 100 पेक्षा जास्त धावा करणारा कॅनडा पहिला संघ ठरला. कॅनडाने आयर्लंडविरुद्ध 137 धावा केल्या, प्रत्युत्तरात आयरिश संघ केवळ 125 धावा करू शकला.
तर चौथा सामना दक्षिण आफ्रिका आणि नेदरलँड्स यांच्यात खेळला गेला, ज्यामध्ये नेदरलँड्स संघ दक्षिण आफ्रिकेसमोर केवळ 104 धावांचे लक्ष्य ठेवू शकला. या लक्ष्याला प्रत्युत्तर देताना एके काळी दक्षिण आफ्रिका संघ सुधा हातबल दिसला, 10 षटकांत 4 बाद 32 धावा अशी अवस्था त्यांची झाली होती. परंतु नंतर डेव्हिड मिलरच्या शानदार अर्धशतकामुळे संघाने 19व्या षटकात विजय मिळवला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.