T20 World Cup, Player of the Match: टी20 वर्ल्ड कप 2024 स्पर्धेचा अंतिम सामना गुरुवारी (29 जून) भारत विरुद्ध दक्षिण आफ्रिका संघात पार पडला. या सामन्यात भारतीय संघाने विजय मिळवत वर्ल्ड कप ट्रॉफी उंचावली.
या स्पर्धेतील मालिकावीर जसप्रीत बुमराह ठरला. बुमराहने या स्पर्धेत अनेकदा महत्त्वाच्या क्षणी गोलंदाजी करत महत्त्वाच्या विकेट्सही घेतल्या. अंतिम सामन्यातही त्याने दोन विकेट्स घेतल्या. या संपूर्ण स्पर्धेत त्याने 8 सामन्यांत 15 विकेट्स घेतल्या. त्याच्या याच कामगिरीमुळे त्याला मालिकावीर म्हणून गौरविण्यात आलं.
तो टी20 वर्ल्ड कपमध्ये मालिकावीर ठरणारा आठवा खेळाडू ठरला, तर विराट कोहलीनंतरचा दुसराच भारतीय ठरला. विराटने 2014 आणि 2016 साली झालेल्या टी20 वर्ल्ड कपमध्ये मालिकावीर पुरस्कार जिंकला होता. विशेष म्हणजे विराट टी20 वर्ल्ड कपमध्ये दोनदा मालिकावीर होणारा एकमेव खेळाडू आहे.
2007 - शाहिद आफ्रिदी
2009 - तिलकरत्ने दिलशान
2010 - केविन पीटरसन
2012 - शेन वॉटसन
2014 - विराट कोहली
2016 - विराट कोहली
2021 - मिचेल मार्श
2022 - सॅम करन
2024 - जसप्रीत बुमराह
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
