टी-20 वर्ल्ड कप स्पर्धेच्या पात्रता फेरीतील अखेरच्या सामन्यात श्रीलंकेने दिमाखदार विजयाची नोंद करत आपल्या गटात अव्वलस्थान कायम राखले. पहिल्यांदा बॅटिंग करताना नेदरलँड्सचा संघ 44 धावांत आटोपला होता. हे आव्हान परतवून लावताना श्रीलंकेनं दोन विकेट गमावल्या. सलामीवीर निसांकाला ब्रँडन ग्लोव्हरनं खातेही उघडू दिले नाही. मार्करनने अविष्काला 6 धावांवर तंबूत धाडले. या दोन विकेट पडल्यानंतर कुशल परेराने 24 चेंडूत नाबाद 33 धावांची खेळी केली. आपल्या या खेळीत त्याने 4 चौकार खेचले. अविष्का फर्नांडोनं 4 चेंडूत नाबाद 2 धावा केल्या.
नेदरलँड्स विरुद्धच्या सामन्यात श्रीलंकेनं नाणेफेक जिंकून पहिल्यांदा गोलंदाजी करण्याचा निर्णय घेतला होता. श्रीलंकन गोलंदाजांसमोर नेदरलँड्सच्या फलंदाजांनी अक्षरश: गुडघे टेकले. नेदरलँड्सचा अख्खा संघ 10 षटकात 44 धावांतच आटोपला. श्रीलंकेकडून हसरंगाने 3 षटकात 9 धावा खर्च करुन 3 विकेट घेतल्या. लाहिरु कुमारा यानेही सर्वोत्तम गोलंदाजी केली. त्याने 3 षटकात 1 निर्धाव षटकासह 7 धावा खर्च करुन 3 विकेट घेतल्या. तिक्षणाने 2 तर चमिराला एक बळी मिळवण्यात यश आले.
पात्रता फेरीतील तिन्ही सामन्यात श्रीलंकेनं विजय नोंदवत 6 गुणांसह अ गटात अपेक्षेप्रमाणे अव्वलस्थान गाठले. नामिबिया या गटात दुसऱ्या स्थानावर राहिले. आयर्लंडला पराभूत करुन त्यांनी सुपर 12 मध्ये स्थान पक्के केले होते. आयसीसीच्या वेळापत्रकानुसार, अ गटातील अव्वलस्थानी असलेला श्रीलंका संघ पहिल्या गटात आहे. या गटात त्यांच्यासमोर आता ऑस्ट्रेलिया, बांगलादेश, इंग्लंड, दक्षिण आफ्रिका आणि वेस्ट इंडीज या तगड्या संघांचे आव्हान असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
