T20 World Cup 2024 Sandeep Lamichhane : यंदाच्या टी 20 वर्ल्डकपमधील अनेक सामने हे युएसएमध्ये होणार आहेत. दरम्यान, युएसएने नेपाळचा स्टार क्रिकेटपटू संदीप लामिछानेला टी 20 वर्ल्डकप खेळण्यासाठी व्हिसा दिला नाही. त्यामुळं नुकताच बलात्कारच्या आरोपातून निर्दोष मुक्तता झालेल्या संदीपची टी 20 वर्ल्डकप खेळण्याची आशा जवळपास संपुष्टात आली आहे.
दरम्यान, नेपाळमध्ये आता संदीपला युएसएने व्हिसा दिला नाही म्हणून तीव्र आंदोलन सुरू झालं आहे. अनेक लोकं रस्त्यावर उतरून आपला निषेध व्यक्त करत आहेत. या आंदोलनात नेपाळच्या अनेक युवकांचा समावेश आहे. नेपाळ क्रिकेट असोसिएशनने संदीपला अजूनही व्हिसा मिळू शकतं असं वक्तव्य केलं आहे.
ते आपल्या अधिकृत वक्तव्यात म्हणतात, 'आम्ही देखील आयसीसीकडे फक्त 14 खेळाडूंचीच यादी पाठवली आहे. कारण आम्हाला आशा होती की युएसए दुतावासाकडून संदीपला व्हिसा मिळेल. आयसीसीने संदीपला टी 20 वर्ल्डकप संघात सामील करण्याची परवानगी आधीच दिली होती. जर संदीपला व्हिसा मिळाला तर त्याला टी 20 संघात सामील करून घेतलं जाईल.'
नेपाळचा स्टार फिरकीपटू संदीप लामिछानेला काठमांडू न्यायालयाने एका 18 वर्षाच्या युवतीवर बलात्कार केल्याच्या आरोपात दोषी ठरवलं होतं. त्याला आठ वर्षे तुरूंगवास आणि 3 लाख नेपाळी रूपये दंड ठोठावण्यात आला होता. या शिवाय पीडितेला 2 लाख नेपाळी रूपये देण्याचे देखील आदेश दिले होते.
मात्र संदीपने या विरूद्ध उच्च न्यायालयात दाद मागितली अन् उच्च न्यायालयाने संदीप लामिछानेला निर्दोष ठरवलं. त्यांनी काठमांडू कोर्टाचा निर्णय बदलला होता. यानंतर संदीपची वर्णी नेपाळच्या टी 20 संघात लागली होती. संदीप हा नेपाळचा स्टार क्रिकेटपटू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
