सबस्क्राईब करा
Virat Kohli on Rohit Sharma : वर्ल्ड कप 2024 च्या चॅम्पियन भारतीय संघाचा मुंबईतील वानखडे स्टेडियमवर भव्य सत्कार समारंभ आयोजित करण्यात आला होता. स्टेडियमवर पोहोचण्यापूर्वी टीम इंडियाने विजयी परेड काढली. यानंतर टीम इंडियाचा खेळाडू आणि प्रशिक्षक राहुल द्रविडने स्टेडियममध्ये टूर्नामेंटशी संबंधित आपल्या आठवणी शेअर केल्या. यादरम्यान टीमचा स्टार क्रिकेटर विराट कोहलीने सत्कार समारंभात वानखेडे स्टेडियमवर खचाखच भरलेल्या प्रेक्षकांसमोर खुलासा केला.
'विक्ट्री परेड'नंतर आयोजित सत्कार समारंभात कोहली म्हणाला की, '15 वर्षांत पहिल्यांदाच रोहितला इतका भावूक होताना मी पाहिलं आहे. विजेतेपद मिळवल्यानंतर मी ड्रेसिंग रुमध्ये परतत होतो त्यावेळी डोळ्यात अश्रू होते. समोर रोहित आला त्याचेही डोळे पाणावले होते आम्ही दोघांना अलिंगन दिले. तो भावनिक क्षण भारतीय क्रिकेटचा होता.
सामन्यामध्ये एक क्षण असा आला होता की, हा करंडकही आमच्या हातून निसटत असल्याचे जाणवत होते, पण बुमराने कमालीची गोलंदाजी केली आणि सामन्याला कलाटणी दिली तो खरा मॅचविनर आहे, अशा शब्दात विराटने बुमराचे कौतू केले.
29 जून रोजी टी-20 वर्ल्ड कप जिंकल्यानंतर भारतीय संघ वादळामुळे बार्बाडोसमध्ये अडकला होता. चाहते खेळाडूंची आतुरतेने वाट पाहत होते. गुरुवारी ४ जुलै रोजी भारतीय खेळाडूंचे विमान भारतात दाखल होताच संपूर्ण देश जल्लोषात गेला.
दिल्ली विमानतळापासून ते आयटीसी मौर्यपर्यंत सर्वजण आनंदोत्सव साजरा करत होते. टीम मुंबईत पोहोचली तेव्हा मरीन ड्राईव्हवर प्रचंड गर्दी पाहायला मिळाली. तिथे उपस्थित असलेली गर्दी पाहून भारतीय खेळाडूंनाही आश्चर्य वाटले. विजयाच्या परेडनंतर खेळाडू वानखेडे स्टेडियमवर पोहोचले. तिथे बीसीसीआयने 125 कोटींचा धनादेश देऊन त्यांचा गौरव केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
