सबस्क्राईब करा
WI vs AUS, Warm-Up Match: आगामी टी20 वर्ल्ड कपसाठी सध्या सराव सामने खेळवले जात आहेत. ऑस्ट्रेलियाचा दुसरा सराव सामना यजमान वेस्ट इंडिजविरुद्ध शुक्रवारी (31 मे) झाला. या सामन्यात वेस्ट इंडिजने ऑस्ट्रेलियाला 35 धावांनी पराभवचा धक्का दिला आहे.
या सराव सामन्यात वेस्ट इंडिजने ऑस्ट्रेलियासमोर विजयासाठी 20 षटकात 258 धावांचे लक्ष्य दिले होते. या लक्ष्याचा पाठलाग करताना ऑस्ट्रेलियाला 20 षटकात 7 बाद 222 धावा करता आल्या.
दरम्यान, नामिबियाविरुद्ध झालेल्या पहिल्या सराव सामन्याप्रमाणेच दुसऱ्या सराव सामन्यातही ऑस्ट्रेलियाने 9 खेळाडूंसह क्षेत्ररक्षण केले, त्यांनी क्षेत्ररक्षणासाठी राखीव क्षेत्ररक्षक म्हणून सपोर्ट स्टाफमधील सदस्यांना उतरवले होते. ऑस्ट्रेलियाने आयपीएलमधून खेळून आलेल्या बऱ्याच खेळाडूंना यादरम्यान विश्रांती दिलेली असल्याने त्यांना क्षेत्ररक्षणासाठी उतरवले नव्हते.
शुक्रवारी झालेल्या सराव सामन्याबद्दल सांगायचे झाले, तर ऑस्ट्रेलियाचा कर्णधार मिचेल मार्शने नाणेफेक जिंकत प्रथम गोलंदाजी करण्याचा निर्णय घेतला होता. मात्र, वेस्ट इंडिजच्या फलंदाजांनी चांगलीच फटकेबाजी केली.
वेस्ट इंडिजकडून यष्टीरक्षक फलंदाज निकोलस पूरनने 25 चेंडूत 300 च्या स्ट्राईक रेटने 75 धावांची खेळी केली, तर कर्णधार रोवमन पॉवेलने 25 चेंडूत 52 धावांची खेळी केली. तसेच शेर्फेन रुदरफोर्डने 18 चेंडूत 47 धावा केल्या, तर जॉन्सन चार्ल्स 31 चेंडूत 40 धावांची खेळी केली. त्यामुळे वेस्ट इंडिजने 20 षटकात 4 बाद 257 धावांची खेळी केली.
ऑस्ट्रेलियाकडून ऍडम झम्पाने 2 विकेट्स घेतल्या, तर टीम डेव्हिड आणि ऍश्टन एगर यांनी प्रत्येकी 1 विकेट घेतली.
त्यानंतर ऑस्ट्रेलियाला 222 धावाच करता आल्या. ऑस्ट्रेलियाकडून जोश इंग्लिशने सर्वाधिक 55 धावांची खेळी केली. तसेच नॅथन एलिसने 22 चेंडूत 39 धावांची खेळी केली. याशिवाय ऍश्टन एगर (28), टीम डेव्हिड (25), मॅथ्यू वेड (25) आणि ऍडम झाम्पा (21) यांनी आक्रमक छोट्या खानी खेळी केल्या, मात्र त्यांना संघाला विजय मिळवून देता आला नाही.
वेस्ट इंडिजकडून गुडाकेश मोती आणि अल्झारी जोसेफ यांनी प्रत्येकी 2 विकेट्स घेतल्या. तसेच अकिल हुसैन, शामर जोसेफ, ओबेड मॅकॉय यांनी प्रत्येकी 1 विकेट घेतली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
