Fox in Cricket Ground: पाहावं ते नवलंच! क्रिकेटच्या मैदानाच चक्क कोल्ह्यानं ठोकली धूम, Video होतोय तुफान व्हायरल

Fox Appearance at T20 Blast Cricket Match: क्रिकेटमध्ये अनेकदा विचित्र घटना घडताना दिसून येतात. अनेकदा क्रिकेट सामन्यांत पाऊस-वारा याव्यतिरिक्त श्वान, साप, पक्षी किंवा मधमाशा आल्याने व्यत्यय आल्याचे दिसून आले आहे. पण आता चक्क कोल्हाच क्रिकेटच्या मैदानात घुसल्याचे दिसले आहे.

सध्या इंग्लंडमध्ये विटालिटी ब्लास्ट स्पर्धा सुरू आहे. या स्पर्धेत हॅम्पशायर विरुद्ध सरे या सामन्यांत घडली. हा सामना लंडनमध्ये खेळवला जात होता. त्यावेळी अचानक एक कोल्हा मैदानात घुसला.

दरम्यान, त्यामुळे थोडी भिती निर्माण झाली होती, पण कोल्ह्याने कोणालाही इजा केली नाही. तो धावत आला आणि तसाच मैदानातून बाहेर गेल्याचे व्हायरल होत असलेल्या व्हिडिओमध्ये दिसते.

ही घटना हॅम्पशायरच्या डावातील सहा षटकात घडली. दरम्यान तो कोल्हा बाहेर गेल्यानंतर पुन्हा सामन्याला सुरुवात झाली.

या सामन्यात हॅम्पशायनरने १९.५ षटकात सर्वबाद १८३ धावा केल्या. त्यांच्याकडून टॉबी अल्बर्टने सर्वाधिक ६६ धावा केल्या. तसेच सरेकडून जॉर्डन क्लार्कने सर्वाधिक ३ विकेट्स घेतल्या.

त्यानंतर सरेने १९.१ षटकात १८४ धावांचे आव्हान ५ विकेट्स गमावत पूर्ण केले. त्यामुळे हा सामना ५ विकेट्सने जिंकला. सरेकडून सॅम करनने १०२ धावांची शतकी खेळी केली. या खेळीत त्याने ७ चौकार आणि ६ षटकार मारले. हॅम्पशायरकडून ब्रॅड व्हिल आणि जॉन टर्नर यांनी प्रत्येकी २ विकेट्स घेतल्या.