Rohit Sharma, Virat Kohli Duleep Trophy 2024 : विराट कोहली, रोहित शर्मा हे शेवटचं कशी रणजी करंडक स्पर्धेत खेळले होते, हे तुम्हाला आठवतंय का? नाही आठवणार, कारण त्याला किमान ९-१० वर्ष झाली असतील.. त्यानंतर हे दोन खेळाडू भारतीय संघाकडून आंतरराष्ट्रीय क्रिकेट गाजवतायेत. व्यग्र वेळापत्रकाचं कारण देत अधुनमधून विश्रांती घेत आहेत, पण देशांतर्गत क्रिकेट खेळत नाहीत. BCCI ने काही महिन्यांपूर्वी राष्ट्रीय कर्तव्यावर नसताना खेळाडूंना देशांतर्गत स्पर्धेत खेळण्याच्या सूचना केल्या होत्या. अर्थात यातही सीनियर्सना विशेष सूट दिली गेली होती. पण, बांगलादेश व न्यूझीलंड विरुद्धच्या घरच्या मैदानावरील कसोटी मालिकेपूर्वी सीनियर्सनाही दुलीप ट्रॉफीत खेळण्याबाबत विचारले गेले होते आणि त्यांनी सरळ सरळ नाही, म्हटल्याच्या बातम्या आता समोर येत आहेत.