Aditya Thackeray on India vs Bangladesh Test Series: बांगलादेश संघ सध्या भारत दौऱ्यावर आला आहे. या दौऱ्यात बांगलादेशला भारताविरुद्ध दोन कसोटी आणि तीन टी२० सामने खेळायचे आहेत. १९ सप्टेंबरपासून कसोटी सामन्यांने या दौऱ्याला सुरूवात होणार आहे. पण कसोटी मालिका सुरू होण्यापूर्वीच वादात अडकली आहे.
गेल्या दोन महिन्यांपासून बांगलादेशमध्ये हिंसाचार चालू असल्याचे अनेक फोटो आणि व्हिडिओ देखील समोर आले आहेत. त्यातच अनेक मिडिया रिपोर्ट्सनुसार बांगलादेशमध्ये हिंदूंवर अत्याचार होत आहेत.
अशात भारत आणि बांगलादेश संघात होणाऱ्या मालिका रद्द करण्याची मागणी होत आहे. यादरम्यान आता अदित्य ठाकेरे यांनीही याबाबत पोस्ट करत प्रश्न विचारले आहेत.
