Australia vs India 1st Test: ऑस्ट्रेलिया विरुद्ध भारत संघात बॉर्डर-गावसकर ट्रॉफी या ५ सामन्यांच्या कसोटी मालिकेला शुक्रवारी (२२ नोव्हेंबर) सुरुवात झाली. पहिला सामना पर्थमधील ऑप्टस स्टेडियमवर (Perth Stadium) खेळला जात आहे.
या सामन्यात भारताचा प्रभारी कर्णधार जसप्रीत बुमराहने नाणेफेक जिंकली असून प्रथम फलंदाजी करण्याचा निर्णय घेतला आहे. भारताचा नियमित कर्णधार रोहित शर्मा अनुपस्थित असल्याने त्याच्याऐवजी बुमराह भारतीय संघाचे नेतृत्व करत आहे.
दरम्यान, बुमराहने नाणेफेक जिंकल्याने भारतीय संघाच्या आशाही पल्लवित झाल्या आहेत. यामागील कारण म्हणजे या मैदानात नाणेफेक जिंकलेल्या संघाने एकदाही कसोटी सामना पराभूत झालेला नाही.
