Afghanistan vs South Africa 1st ODI : अफगाणिस्तानच्या गोलंदाजांसमोर दक्षिण आफ्रिकेच्या फलंदाजांनी बुधवारी गुडघे टेकले. फझलहक फारुकी आणि अल्लाह घाझनफर यांनी भन्नाट मारा करून आफ्रिकेचे ७ फलंदाज अवघ्या ३६ धावांत तंबूत पाठवले. वियान मुल्डरने ( Wiaan Mulder ) आफ्रिकेची लाज वाचवताना संघाला शतकी पार पोहोचवले.. तरी आफ्रिकेचा संपूर्ण संघ ३३.३ षटकांत तंबूत पाठवून अफगाणिस्तानने विक्रम केला. अफगाणिस्तानने प्रथमच मर्यादित षटकांच्या क्रिकेटमध्ये दक्षिण आफ्रिकेला ऑल आऊट केले आहे.