Afghanistan Cricket Team In India : टी 20 वर्ल्डकपमधील सुपर 8 सामन्यात भारताने अफगाणिस्तानला मात दिली. भारताने सामना 47 धावांनी जिंकून आपला सुपर 8 मधील पहिला विजय साजरा केला. अफगाणिस्तान पहिल्यांदाच टी 20 वर्ल्डकपच्या सुपर 8 फेरीत पोहचला आहे.
दरम्यान, अफगाणिस्तानसाठी अजून एक आनंदाची बातमी आली आहे. भारत आणि अफगाणिस्तान यांच्यातील क्रिकेट संबंध अजून मजबूत करण्यासाठी बीसीसीआयने अफगाणिस्तान संघाला त्यांच्या आगामी होम सिरीज या भारतात खेळण्याची परवानगी दिली आहे.
अफगाणिस्तान आणि बांगलादेश यांच्यातील मालिका ही भारतात होणार आहे. जवळपास 4 वर्षानंतर अफगाणिस्तानचा संघ भारतात पुन्हा एकदा त्यांचे घरच्या मैदानावरचे सामने खेळणार आहे. अफगाणिस्तान हे ग्रेटर नोयडाच्या मधील शहीद विजय सिंह पाठिक स्पोर्ट्स कॉम्प्लेक्समध्ये आपले सामने खेळत होता. आता चार वर्षानंतर ते पुन्हा तिथे आपले सामने खेळणार आहेत.
जुलै आणि ऑगस्ट महिन्यात बांगलादेश आणि अफगाणिस्तान यांच्यात मर्यादित षटकांचे सामने होणार आहेत. या मालिकेत तीन वनडे सामन्यांची मालिका आणि तीन टी 20 सामन्यांची मालिका खेळवण्यात येणार आहेत. ग्रेटर नोयडा येथील स्टेडियमवर पहिल्यांदाच अफगाणिस्तानची मालिका होणार नाहीये.
यापूर्वी 2015 मध्ये अफगाणिस्तानला या मैदानावर आपले सामने खेळण्याची परवानगी देण्यात आली होती.
बांगलादेश आणि अफगाणिस्तान यांच्यातील मालिका ही 22 जुलैपासून सुरू होणार आहे. त्यांना तेथे सराव करण्यासाठी परवानगी देण्यात आली आहे. ते आपला पहिला वनडे सामना हा 25 जुलैला खेळणार आहेत.
त्यानंतर अफगाणिस्तान आणि बांगलादेश यांच्यातील दसरा वनडे सामना हा 27 आणि तिसरा वनडे सामना हा 30 जुलै रोजी होणार आहे. टी 20 मालिका ही 2 ऑगस्ट पासून सुरू होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
