AFG vs NZ: मुहूर्त काही लागेना! भारतात होणाऱ्या अफगाणिस्तान-न्यूझीलंड कसोटी सामन्याला तिसऱ्या दिवशीही सुरुवात नाहीच

Afghanistan vs New Zealand Test: भारतातील ग्रेटर नोएडा येथील शहीद विजयसिंग पथिक क्रीडा संकुलाच्या मैदानावर सोमवारपासून (९ सप्टेंबर) अफगाणिस्तान विरुद्ध न्यूझीलंड संघात कसोटी सामना खेळवला जाणार होता. मात्र या सामन्यात पावसाचा मोठा अडथळा आला आहे.

पावसामुळे मैदानच सुकलेले नाही. तसेच सातत्याने पाऊस पडत आहे. त्यामुळे खेळण्यासाठी मैदानातील परिस्थिती अद्याप योग्य नसल्याने तिसऱ्या दिवशी म्हणजेच बुधवारी देखील या सामन्याला सुरुवात होऊ शकलेली नाही.