IPL Auction 2025: अमरावतीचं पोरगं आयपीएल खेळणार! 'या' संघात झाली निवड, ११ कोटी रुपयांमध्ये झाली खरेदी

अमरावती: बालवयापासूनच जोपासलेला एखादा छंद किंवा खेळाप्रति असलेली आवड आणि गंभीरता एखाद्याचे जीवनच बदलून टाकते. अमरावतीच्या जितेश शर्माच्या बाबतीतही हे तंतोतंत लागू पडते. अगदी बालवयापासूनच क्रिकेटच्या मैदानात रमलेल्या या हरहुन्नरी युवा क्रिकेटपटूने थेट आयपीएलकडे झेपावत सर्वांनाच आश्चर्याचा धक्का दिला.

अमरावतीचा धडाकेबाज यष्टीरक्षक जितेश शर्माला २०२५ मध्ये होणाऱ्या आयपीएल क्रिकेट मोसमासाठी रॅायल चॅलेन्जर्स बंगळूरुने ११ कोटी रुपयांमध्ये खरेदी केले आहे. जितेशच्या या यशाने अमरावतीच्या शिरपेचात मानाचा तुरा रोवला गेला आहे.