Australia vs India 1st test: भारत आणि ऑस्ट्रेलिया संघात कसोटी मालिका शुक्रवारपासून सुरू झाली आहे. या मालिकेतील पहिला सामना पर्थमधील ऑप्टस स्टेडियमवर खेळवला जात आहे. या सामन्यात पहिल्याच दिवशी वेगवान गोलंदाजांचं वर्चस्व राहिल्याचे दिसून आले.
दरम्यान पहिल्याच दिवशी दोन्ही संघांच्या मिळून १७ विकेट्स पडल्या. पहिल्या दिवसाचा खेळ संपला, तेव्हा ऑस्ट्रेलियाने २७ षटकात ७ बाद ६७ धावा केल्या आहेत. त्यामुळे सध्या भारतीय संघ ८३ धावांनी आघाडीवर आहे.
