Australia vs India 1st Test: शुक्रवारपासून (२२ नोव्हेंबर) भारत आणि ऑस्ट्रेलिया संघात पर्थमधील ऑप्टस स्टेडियमवर बॉर्डर-गावसकर ट्रॉफीचा पहिला सामना सुरू असून दुसऱ्या दिवसाच्या पहिल्याच सत्रात ऑस्ट्रेलियाचा पहिला डाव ५१.२ षटकात १०४ धावांवर संपुष्टात आला आहे. त्यामुळे भारताला या सामन्यात पहिल्या डावात ४६ धावांची आघाडी मिळाली आहे.
या सामन्यात ऑस्ट्रेलियाने दुसऱ्या दिवसाची सुरुवात २८ षटके आणि ७ बाद ६७ धावांपासून पुढे खेळायला सुरुवात केली होती. त्यांच्याकडून ऍलेक्स कॅरे आणि मिचेल स्टार्क ही पहिल्या दिवशी नाबाद असलेली जोडीने दुसऱ्या दिवसाची सुरुवात केली.
