Pakistan vs Australia 2nd ODI : हॅरिस रौफ व शाहीन शाह आफ्रिदी यांच्या भेदक माऱ्यासमोर ऑस्ट्रेलियाचा संघ आज गारद झाला. पाकिस्तानने दुसऱ्या वन डे सामन्यात यजमान ऑस्ट्रेलियाचा डाव ३५ षटकांत १६३ धावांवर गुंडाळला. ३५ धावा करणारा स्टीव्हन स्मिथ हा ऑस्ट्रेलियाकडून सर्वाधिक धावा करणारा फलंदाज ठरला. पण, या सामन्यात अॅडम झम्पा आणि मोहम्मद रिझवान यांच्यातला एक व्हिडीओ गाजतोय. नसीम शाहच्या बाऊन्सरवर झम्पा फटका मारायला गेला, परंतु चेंडू वेगाने यष्टिरक्षक रिझवानच्या हाती विसावला. त्यानंतर जोरदार अपील झाले अन् रिझवानने झम्पाला विचारले, अरे बॅट लागलीय का?..