Pakistan vs Australia 2nd ODI : पाकिस्तान संघाने २८ वर्षानंतर ऑस्ट्रेलियाला एडिलेडवर वन डे सामन्यात हरवले. हॅरिस रौफ, ज्याची ट्वेंटी-२० वर्ल्ड कप स्पर्धेत विराट कोहलीने धुलाई केली होती, तो आजच्या सामन्यात चमकला. रौफने २९ धावा देताना ५ विकेट्स घेतल्या आणि ऑस्ट्रेलियाचा संपूर्ण संघ १६३ धावांत तंबूत परतला. सईम आयुब व अब्दुल्लाह शफिक यांच्या अर्धशतकी खेळीने पाकिस्तानला २६.३ षटकांत विजय मिळवून दिला. पाकिस्तानने ९ विकेट्स व १४१ चेंडू राखून दुसरा सामना जिंकला आणि मालिका १-१ अशी बरोबरीत आणली.