India A vs Australia A Women Test: भारतीय महिला अ क्रिकेट संघाची ऑस्ट्रेलियन दौऱ्याची सांगताही अपयशाने झाली. टी-२० व एकदिवसीय मालिकेत निराशाजनक कामगिरी करणाऱ्या भारतीय महिला अ संघाला येथे पार पडलेल्या चार दिवसीय कसोटी सामन्यात यजमान ऑस्ट्रेलियन अ संघाकडून ४५ धावांनी पराभवाचा सामना करावा लागला. दोन देशांमध्ये एकमेव कसोटी सामना खेळवण्यात आला.
ऑस्ट्रेलिया अ संघाने पहिल्या डावात २१२ धावा केल्या. याला प्रत्युत्तर देताना भारत अ संघाला १८४ धावाच करता आल्या. ऑस्ट्रेलिया अ संघाकडून दुसऱ्या डावात २६० धावा फटकावण्यात आल्या. त्यामुळे भारतीय महिला अ संघासमोर विजयासाठी २८९ धावांचे आव्हान ठेवले गेले.
