Australia vs India Test Series: भारत आणि ऑस्ट्रेलिया संघात २२ नोव्हेंबरपासून पर्थमध्ये बॉर्डर-गावसकर ट्रॉफी या कसोटी मालिकेला सुरुवात होत आहे. दरम्यान, पहिला कसोटी सामना सुरू असतानाच २४ आणि २५ नोव्हेंबर रोजी सौदी अरेबियातील जेद्दाह येथे आयपीएल २०२५ स्पर्धेचा लिलाव होणार आहे.
त्यामुळे भारतीय क्रिकेटमध्ये मोठ्या घडामोडी येणाऱ्या काही दिवसात घडताना दिसणार आहेत. दरम्यान, यंदा आयपीएलचा मेगा लिलाव असणार आहे. त्यामुळे दोन दिवस होणार आहे.
पण, आयपीएल लिलाव आणि भारत-ऑस्ट्रेलिया कसोटी मालिकेचा पहिला सामना एकाचवेळी आला आहे. त्यामुळे ऑस्ट्रेलियाचा गोलंदाजी प्रशिक्षक डॅनिएल विट्टोरी संघाला सोडून सौदी अरेबियामध्ये दाखल होणार आहे.
