Aus vs Pak Babar Azam : तिसऱ्या ट्वेंटी-२० सामन्यात वस्त्रहरण वाचवण्यासाठी मैदानावर उतरलेल्या पाकिस्तान संघाची पुन्हा पडझड पाहायला मिळाली. पहिल्या दोन सामन्यांत ऑस्ट्रेलियाकडून सपाटून मार खाणाऱ्या पाकिस्तानने कर्णधार मोहम्मद रिझवानला आज विश्रांती दिली. पण, बाबर आझमला आज सूर गवसलेला दिसला, परंतु अन्य फलंदाजांनी माना टाकल्या. मागील दोन सामन्यांत ३, ३ अशी खेळी करणाऱ्या बाबरने आज ४१ धावांची खेळी केली. पण, त्याला साथ मिळाली नाही, परंतु त्याने आंतरराष्ट्रीय ट्वेंटी-२०तील विराट कोहलीचा मोठा विक्रम मोडला.